Ròca metamorfica

Aqueste article es redigit en òc provençau.
Un article de Wikipèdia, l'enciclopèdia liura.

Esquèma generau dau metamorfisme de contacte.

Una ròca metamorfica es una ròca eissida de la transformacion a l'estat solid d'una ròca d'origina magmatica, sedimentària ò metamorfica dins de condicions marcadas per de constrenchas de temperatura ò de pression importanta. Un tau fenomèn pòu aver luòc dins dos endrechs principaus :

  • lo metamorfisme « regionau » s'aplica generalament a de quantitats importantas de materiaus situats a de prefondors importantas dins la crosta terrèstra. Es favorizat per l'orogenèsi que permet de sometre lei materiaus a de pressions e de temperaturas fòrça importantas a mesura de l'avançament de la cabussada de la crosta dins lei premiers jaç dau mantèu[1].
  • lo metamorifisme « de contacte » s'aplica generalament a de ròcas qu'intran en contacte amb de ròcas magmaticas caudas. Lei volums transformats son alora pus reduchs.

Plusors paramètres pòdon influïr sus lo resultat d'un metamorfizacion de la ròca. La pression e la temperatura an un ròtle primordiau car favorizan dirèctament la transformacion dei mineraus. Dins aquò, la composicion inicialas dei ròcas e la preséncia eventuala de fluids pòdon tenir un ròtle important. D'un biais generau, lo gras de metamorfisme aumenta amb la prefondor. Lei ròcas metamorficas forman aperaquí 27,4% dau volum totau de la crosta terrèstra.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]

  1. (en) H. Blatt e J. T. Robert, Petrolology, W. H. Freeman, 2a edicion, 1996, p. 355.