Primaël Montgauzi

Primaël Despax, dich Primaël Montgauzi, o de còps simplament Primaël, qu'ei un autor, compositor e cantaire occitan originari d'Aush, en Gasconha.

Primaël que canta las soas cançons en gascon, de còps tanben en catalan, en espanhòu o en francés. Lo son estile qu'ei influenciat peu fado e per las musicas mediterranèas, en particular la rumba catalana, mès tanben per daubuns genres musicaus de l'America latina com la trova o la bossa nova ("tròba occitana").

Actiu despuish las annadas 2010, que jòga sus scèna sia en sòlo, sia dins lo duò occitano-orientau Noubalòtcha dab lo musician Chokri Trabelsi (despuish 2017), sia dens lo grop Los del Tiwizi.

En seguida de lor encontre a Astahòrt dins l'encastre de las activitats de l'associacion Votz deu Sud (associacion fondada per Francis Cabrel), qu'avoc idea dab lo cantaire basc Pantxix Bidart de far un espectacle bilingüe basc-gascon batiat « Elimberri ». Au mes de seteme de 2025, que participa tanben en i cantant en gascon au títol Un gramme de terre de Francis Cabrel.