Prumiera batalha de Gaza
La prumiera batalha de Gaza se debanèt lo 26 de març de 1917 durant la Prumiera Guerra Mondiala. En causa dau blocatge militar en Euròpa Occidentala, los Britanics assajèron d'atacar l'Emperi Otoman, lo mai feble dels Emperis Centraus, en Palestina e en Mesopotamia. Entre abriu de 1916 e març de 1917, l'engeni britanic edifiquèt una linha de chamin de ferre per avitalhar las tropas encharjaas de l'ofensiva en Sinai. Aquò permetèt a l'armaa britanica dau generau Archibald Murray d'avançar pauc a cha pauc en direccion de la linha fortificaa Gaza-Beersheba. L'ataca foguèt menaa per 22 000 òmes, mas trobèron una defensa ben organizaa per lo generau alemand Friedrich Kress von Kressenstein[1]. De mai, l'infantaria e la cavalaria poguèron pas coordinar sos movements. L'ofensiva s'achabèt donc per una reviraa rapida que causèt la perda de 3 700 Britanics e de 1 700 Otomans.
Pasmens, la reviraa foguèt limitaa car los Britanics poguèron demorar dins la region de Gaza per organizar una segonda ataca en abriu.
Ligams internes
[modificar | modificar lo còdi]Bibliografia
[modificar | modificar lo còdi]- (en) John D Grainger, The battle for Palestine 1917, Boydell Press, 2006, 558 p.
- (en) Michael Provence, The Last Ottoman Generation and the Making of the Modern Middle East, Cambridge University Press, 2017.
Nòtas e referéncias
[modificar | modificar lo còdi]- ↑ L'armaa otomana èra larjament plaçaa sos la direccion d'oficiers alemands.