Pollinizacion
La pollinizacion es, a cò de las angiospèrmas e de las gimnospèrmas, lo carrèg del pollèn dels organs de reproducion mascle (estams) cap als organs de reproducion feme (pistil) per permetre la reproduccion sexuada. La pollinizacion es una etapa prealabla a la fecondacion dins lo cicle de vida d'aquelas plantas.
Aquel transpòrt se produtz siá al dintre de las flors (autopollinizacion), siá per pollinizacion crosada sonada tanben allopollinizacion (lo pollèn d'una flor se despausa sus los estigmas d'una autra flors de la mesme espècia). Dins aqueste cas, los vectors de pollinizacion pòdon èsser biotics (zoogamia assegurada pels aucèls, insèctes…) o abiotics (los agents de transpòrt del pollèn son lo vent (anemogamia), l'aiga (idrogamia…).