Polimetilpentèn
Lo polimetilpentèn (ò PMP) es un polimèr termoplastic de formula generala –[C6H12]n–. Es eissit de la polimerizacion dau 4-metilpent-1-èn en preséncia d'un catalisaire de Ziegler-Natta. Dins lei condicions normalas de temperatura e de pression, es transparent, idrofòb e fòrça permeable ai gas. Es tanben autoclavable a 135 °C e pòu brèvament resistir a una temperatura de 175 °C. Pasmens, sa caracteristica pus remarcabla es sa densitat de 0,83, la pus febla dei polimèrs termoplastics.
Dins l'industria, es sovent utilizada sota forma de copolimèrs susceptibles d'èsser extrudits ò motlats. La fabricacion de materiaus medicaus, d'equipaments de laboratòri, de compausants electronics e d'aisinas de cosina constituïsson leis aplicacions principalas d'aquelei matèrias plasticas. Dins aquò, lo còst dau PMP es superior a aqueu deis autrei poliolefinas, çò que limita son usatge.