Polimerizacion

La polimerizacion es una reaccion que permet de formar de cadenas macromolecularas a partir d'entitats quimicas pus leugieras que son dichas monomèrs. La preséncia d'un catalisaire ò d'un iniciaire es sovent indispensabla per l'entraïnar ò l'entretenir. La polimerizacion es un mecanisme centrau dins la fabricacion de polimèrs.

La reaccion de basa pòu s'escriure de la forma seguenta :

∼M* + M → ∼MM*

Amb ∼M* una cadena macromoleculara portairitz d'un centre reaccionau actiu e M un monomèr que vèn s'ajustar a la cadena en formacion. Se destrian plusors tipes de polimerizacion en foncion de la natura dau centre actiu (radicalara, cationica, anionica, etc.). Lei catalisaires utilizats pòdon tanben tenir un ròtle important en orientant d'un biais precís l'addicion dei monomèrs sus la cadena.