Perversion narcissica

Un article de Wikipèdia, l'enciclopèdia liura.

L'expression "pervèrs narcissic" que s'utiliza en psicopatologia entà designar los individús presentant ua personalitat marcada au còp per un narcissisme exacerbat e trèits de perversion (sosentenut: morau), dus concèptes psicanalitics :

Lo narcissisme, l'amor de si, qu'ei ua compausanta de tota personalitat. Dens la patologia associada, qu'ei exacerbat, que s'i parla alavetz de destroble de la personalitat narcissic: lo besonh de's har admirar qu'ei constant, associat a ua hrèita de reconeishença e d'empatia. La perversion, lo fèit de desviar, qu'ei tanben ua compausanta comuna de la personalitat de cadun. La patologia associada que correspond a un tipe de personalitat particular tenent de cap tà la satisfaccion deus sons desirs e deus sons besonhs au despens deus autes, qui's van har manipular e dont los besonhs e seràn negats.

L'expression "pervèrs narcissic" qu'estó popularizada en França dens las annadas 1990 peus obratges de dus autors : la psicològa Marie-France Hirigoyen, dens lo son obratge hèra mediatizat suu secutament morau, e lo psicanalista Alberto Eiguer. Per venciva, aqueth diagnostic ne's tròba pas dens las granas classificacions actuaus, que's rapròcha deu destroble de la personalitat narcissic e de la psicopatia, shens cobrí'us exactament.