Pedoncul
Pedoncul o pedicèl, e popularament coa (var. còa) o coeta designa en botanica la peça florala en forma de tija que sosten una inflorescéncia o un fruch après la siá fecondacion. Lo lengatge comun lo designa tanben amb los noms pecol, pecolh o pécol que designan lo peciòl. Mai estrictament, lo supòrt de tota l'inflorescéncia se nomena pedoncul (aital coma lo supòrt d'una flor solitària) e los pichons pedonculs de las flors particularas son los pedicèls.
Un pedoncle possedís l'estructura d'una tija e es responsabla de la sustentacion e conduccion de saba en las flors. Se connècta amb lo tronc o amb un raquís de l'inflorescència en la basa e es lo calici de l'apex (la cima). De còps, presenta d'embrancaments o d'estructuras d'origina foliara. En la siá abséncia, las flors son sessilas (sense pecol). Una compression o de cambiaments en la consisténcia del pedicèl pòdon influir sus las caracteristicas reproductivas de las flors.
