Pa de pagès
Lo Pa de pagès (prononciacion catalana: [ˈpa ðə pəˈʒɛs]; "pan del paisan" en catalan) es un tipe de pan tradicional de la cosina catalana. Es fach de manièra artesanala e cuèch dins un forn refractari, çò que li balha una crosta espessa que permet de conservar l'interior molet per fòrça temps[1]. Son contengut en greissas es inferior a aquel del pan comun. Lo pa de pagès a una forma redonda e se vend generalament en dimensions de 250, 500 o 2000 gramas. Se pòt crompar entièr o trencat a lescas, e es sovent utilizat per preparar de pa amb tomàquet[2].
Nom
[modificar | modificar lo còdi]Lo nom pa de pagès seriá aparegut a Barcelona entre la fin del sègle XIX e la debuta del sègle XX, pendent l’exòde rural. Es pensat que los fornèrs lo nomenaron aital per lo distinguir dels pans industrials[3].
IGP Pa de Pagès Català
[modificar | modificar lo còdi]Dempuèi lo 20 de febrièr de 2013, lo pa de pagès fach en Catalonha es certificat amb una Indicacion Geografica Protegida (IGP), jos lo numèro de dossièr PGI-ES-0880[4][5][6]. Es definit coma un pan tradicional, redond, amb de crosta crocanta, de molla tendra e de grands alveòls e fach manualament. Lo panes cuèch dins un forn amb de basa refractària[7][8].
La Federació Catalana d'Associacions de Gremis de Flequers impulsèt la creacion de l’Indicacion Geografica Protegida Pa de Pagès Català en octobre de 2010. Lo 20 de febrièr de 2013, la Comission Europèa publiquèt un reglament que declarava l’inclusion del Pa de Pagès Català dins la lista de las Indicacions Geograficas Protegidas[9].
Referéncias
[modificar | modificar lo còdi]- ↑ «Beneficis de la IGP».
- ↑ Productes de la terra. ISBN 8439362137.
- ↑ «Història de la IGP».
- ↑ «eAmbrosia».
- ↑ «GIview».
- ↑ «Europa protegeix el pa de pagès català».
- ↑ «PLEC DE CONDICIONS DE LA INDICACIÓN GEOGRÁFICA PROTEGIDA “PA DE PAGÈS CATALÀ” Versió: Sol·licitud de modificació (maig 2024)».
- ↑ «IGP pa de pagès català».
- ↑ «Commission Implementing Regulation (EU) No 140/2013 of 18 February 2013 entering a name in the register of protected designations of origin and protected geographical indications (Pa de Pagès Català (PGI))»