Pòcha de Ruhr
La pòcha de Ruhr designa un ensemble d'unitats alemandas encerclaas dins la region industriala de Ruhr per las armaas aliaas a la fin de la Segonda Guerra Mondiala. Los combats menent a la formacion d'aquela pòcha e a sa capitulacion durèron dau 7 de març al 21 d'abriu de 1945. Prumier, los Estatsunidencs dau generau Omar Bradley passèron Ren a Remagen e capitèron d'avançar al sud de Ruhr. Puei, lo 23 de març, los Britanics dau mareschau Bernard Montgomery passèron lo flume a Rees e Wesel lo 23 de març. Aprofichant lor mobilitat, los Aliats encerclèron los centres industriaus de Ruhr lo 1èr d'abriu.
La màger part dau grop d'armaas B, comandat per lo mareschau Walter Model, foguèt blocaa dins la region. Pasmens, s'alinhava encara 21 divisions e 430 000 òmes, èra afeblit per las dificultats logisticas alemandas e una paria de sos efectius èra compausaa d'unitats d'entrainament, de milicians dau Volkssturm e d'enfants de las Jovenças Hitlerianas. Après lo refús de capitulacion de Model, los Estatsunidencs organizèron la fragmentacion e la reduccion de la pòcha. Lo 17 d'abriu, Model ordonèt la dissolucion de son grop d'armaas e liberèt sos òmes e sas obligacions[1]. Se suicidiguèt quatre jorns mai tard per evitar la captura.
Los Aliats perdiguèron environ 10 000 òmes[2]. Pasmens, capturèron mai de 320 000 soldats alemands. Liberèron pereu de miliers de presoniers de guerra emplegats coma trabalhaires forçats dins las industrias alemandas.
Ligams internes
[modificar | modificar lo còdi]Bibliografia
[modificar | modificar lo còdi]Nòtas e referéncias
[modificar | modificar lo còdi]- ↑ Aquò permetèt de desmobilizar una partia dels milicians dau Volkssturm.
- ↑ (en) Charles B. MacDonald, Victory in Europe, 1945: The Last Offensive of World War II, Washington DC, Office of the Chief of Military History, United States Army US Government Printing Office, 1973, p. 372.