Pèire Boissière
Pèire Boissièra[1], estilizat Pèire Boissière[1][2], nascut a Gavaudun lo 18 de mai de 1944 e mòrt lo 8 de genièr de 2022 a Vilanuèva d'Òlt[3] a l’atge de 77 ans, èra un poèta e cantaire, defensor de la lenga occitana e de sa cultura. Èra tanben contaire e factor de joguets sonòrs vegetals e de jòcs tradicionals.
Biografia
[modificar | modificar lo còdi]
Engenhaire agronòm de formacion, trabalhèt en America Centrala quand èra jove, puèi dins l’ensenhament agricòla, abans de se consacrar sonque a son art.
Dins las annadas 70, faguèt de collectatges de cants tradicionals en Auvèrnha, Agenés e Gasconha[4]. Puèi comencèt de los cantar. Son repertòri s’espandèt amb de tèxtes de trobadors, de romanças judeo-espanholas e catalanas, de poèmas en occitan qu’aviá mes en musica (16e, 17e, 19e), de corridos mexicans e de cançons francesas (Bobby Lapointe, Charles Trenet…) [5].
Animator de l'Escòla Occitana d'Estiu pendent una trentenada d’annadas e president dins las annadas 2010, faguèt tanben de conferéncias toponimicas dins l’encastre de la «Quinzaine Occitane du Lot-et-Garonne» pendent d’annadas.
S’engatgèt dins l’occitanisme politic al Partit Occitan. Foguèt conse de La Cauçada de 1995 a 2001, puèi adjunt al conse de Gavaudun.
Discografia
[modificar | modificar lo còdi]- 1999 : Cap Negra
- 2006 : Margarida
- 2019 : De tot un pauc
Referéncias
[modificar | modificar lo còdi]- ↑ 1,0 et 1,1 «Pèire Boissière». (sit web oficial)
- ↑ Las doas formas son presentas sus son siti web, e solament Boissièra sus sa pagina Bandcamp. Pèire Boissièra es son nom occitan, e Pèire Boissière es un mescladís francitan. Son nom en francés es Pierre Boissière.
- ↑ «matchID - Moteur de recherche des décès». deces.matchid.io. [Consulta: 2022-03-14]
- ↑ https://web.archive.org/web/20220327012054/https://sondaqui.com/oc/catalogue-regionau?q=boissi%C3%A8re
- ↑ https://lafeuilleamta.fr/events/soiree-chant-avec-pierre-boissiere
