Pèire Autièr

Un article de Wikipèdia, l'enciclopèdia liura.
Salta a la navegació Salta a la cerca

Pèire Autièr es un "bon òme" líder de l'eretgia catara en Occitània a l'entorn de l'an 1300.

Biografia[modificar | modificar la font]

Nasquèt vèrs 1245 a Ax (País de Fois). Notari, èra un òme fisança del Comte de Fois. Convertit al catarisme, se'n anèt en 1296 en Lombàrdia per sos afars o alara que crentava per sa vida.

Se'n torna vèrs 1300 après aver seguit d'ensenhaments dels maniquèus o bogomils presents en Itàlia. Dins lo comtat de Fois, s'esfòrça de desvelopar e aparar lo catarisme. Mas èra près de 60 ans après la casuda de Montsegur e la destruccion de la darrièra comunautat catara importanta.

Longtemps escapèt als percaces, mas foguèt denonciat, arrestat pels agents de l'Inquisicion e brutlat viu a Tolosa lo 9 d'abril de 1310.

Son testimoniatge s’acaba sus aquesta declaracion: « Dins lo mond i a doas Glèisas: una fugís e perdona, l’autra possedís e espela »[1].

Son fraire Guilhèm e son filh Jaume tanben foguèron condemnats al lenhièr per eretgia.

Referéncias[modificar | modificar la font]

Bibliografia[modificar | modificar la font]

  • Anne Brenon, Pèire Autier (1245-1310), le dernier des cathares, París, Perrin, 2006, 484 p.

Articles connèxes[modificar | modificar la font]