Pèir de Geliòt

Fichièr:Geliot.jpg

Geliòt a la guitarra acompanhant Mozart mainatge tocant lo clavecin

Geliòt jogant la guitarra

Pèir de Geliòt (en francés la grafia de Pierre de Jélyotte que muisha totas la variantas possiblas dab G o J, Y o I e un o dus T), musician, clavecinista, guitarrista, violoncelista e compositor, qu’estó segurament lo màger deus cantadors francés deu sègle XVIII^au. Que vadó a La Seuva (Bearn) lo 13 d'abriu de 1713 e, mainatge, qu’anè estudiar lo cant e la musica a Tolosa. Que comencè la soa grana carrièra a París en 1733 e que tribalhè pendent annadas en estreta collaboracion dab Jean-Philippe Rameau entà qui e cantè, dab la soprano bordalesa Mla Fèl, haut o baish tots los purmèrs ròtles deus sons operas. Jeliòt, com purmèr cantador deu son temps (qu'èra lo prim'uomo) qu'avó lo parat de cantar l'opera de Jean-Jacques Rousseau, Le Devin du Village davant la cort. Que demora ua letra qu'escrivó au filosòfe entà’u contar l'escaduda de la soa òbra e que lo rei Loís XV e la cantava faus deu matin dinc au ser. 1754 qu’estó l'annada quan cantè Dafnís e Alcimadura, l'opera occitan de Mondonvila, a Fontainebleau, davant la cort e en companhia de mantun cantador occitan com Mla Fèl o Antòni Trial. Lo pertrèit mei famós que conservam de Jeliòt (e tanben de Mozart) qu'ei lo concert en çò deu prince de Conti on vedem lo mainatge Mozart au clavecin en companhia deu vielh Jeliòt cantant e jogant la guitarra. Jeliòt que's morí lo 12 d'octobre de 1797.

Ligams extèrnes

• Flors de Bearn site on presentan lo cantador