Ovadia Yosef

Un article de Wikipèdia, l'enciclopèdia liura.
Anar a : navigacion, Recercar
Ovadia Yosef durant la pregària
Ovadia Yosef

Ovadia Yosef (vadut a Bagdad dens l'Iraq deu temps deu Mandat Britanic de Mesopotamia lo 23 de seteme de 1920, mort a Jerusalèm lo 7 d'octobre de 2013)[1] qu'estó un rabin haredí, cap espirituau deu partit politic religiós ultraortodòxe israelian Shas, prestigiós decideire rabinic, distinguit exegèta talmudic e gran rabin d'Israèl, considerat com ua autoritat de la Halakhà.

Biografia[modificar | modificar la font]

Qu'emigrè en Palestina (devath mandat britanic a l'epòca) quan avèva 4 ans. Qu'estudiè a la yeshiva Porat Yosef dens la vila vielha de Jerusalèm. Que vadó rabin a l'edat de 20 ans.

Enter 1947 e 1950, que presidí lo gran tribunau rabinic deu Caire. En 1968, qu'estó nomenat gran rabin de Tel Aviv. En 1973, qu'estó elegit gran rabin mizrakhí-sefardita d'Israèl tà 10 ans; qu'ei ad aquesta pòsta que's prononciè en favor de la judaïtat deus falashas (judius d'Etiopia).

Que possediva ua memòria fenomenau de totas las honts de la Halakhà a truvèrs deus sègles. Las soas facultats extraordinàrias que balhavan un pes important a las soas decisions rabinicas, on e citava a còps centenas d'obratges de Halakhà entad apujar la soa posicion.

Qu'escrigoc un sarròt d'òbras, sensiblament tres responsa: Yekhave Daat, Yabiya Omer e Khazon Ovadia.

Lo son hilh, lo rabin Yitzhak Yosef, qu'escrigoc devath la soa direccion e las soas decisions rabinicas la seria de libes Yalkut Yosef sus tots los domenis de la Halakà.

Teodicea[modificar | modificar la font]

« Los sheis milions de victimas de l'Olocaust qu'èran reencarnacions d'amnas pecadoras (...) qui s'èran reencarnadas entad expiar », ce digó lo rabin per'mor de la soa hauta coneishença deu concèpte cabalistic deu gilgul haneshamot o cercle de las amnas.

« Las personas qui envian los lors mainats apréner dens las escòlas laïcas que patiràn un castig dens aqueste món e dens lo qui vien », ce declarè lo rav, defensor deu sistèma educatiu religiós en Israèl.

Referéncias[modificar | modificar la font]

  1. Saber o deishà's anar (fr)