Organizacion Maritima Internacionala
L’Organizacion Maritima Internacionala es una institucion especializada dei Nacions Unidas basada a Londres. Fondada en 1948, es encargada de la gestion dei questions relativas a la navegacion. Seis objectius principaus son lo desvolopament de la collaboracion entre leis Estats membres dins lo domeni de la reglementacion maritima, la definicion e l'adopcion dei règlas de seguretat, la prevencion dei pollucions marinas e la lucha còntra lei discriminacions. En 2022, 174 Estats èran membres de l'organizacion e 3 entitats territòrialas (Hong Kong, Macau, Illas Feròe) èran membres associats.