Ombrian
L’ombrian es una lenga italica mòrta que fasiá partia de las lengas sabellicas. Parlaa per los Ombrians, foguèc pauc a cha pauc remplaçaa per lo latin a mesura que la poissança romana se desvolopèc dins la peninsula Italica. Es relativament ben conoissua gràcias a la descuberta de las taulas eugubinas, un ensemble d'inscripcions contenent entre 4 000 e 5 000 mots. Un vintenau d'inscripcions suplementàrias complètan aqueu còrpus.
La gramatica de la lenga èra basaa sus un sistema nominau de cinc declinasons e de set cas e sus un sistema verbau relativament complexe organizat a l'entorn de quatre temps, de doas votz e tres mòdes. Las diferéncias principalas amb lo latin èra un locatiu mai desvolopat e una formacion de perfects que li èra pròpria. Au niveu fonologic, partejava la labializacion de *kʷ en p e un accent iniciau entraïnant de sincòpas. Se destria pereu per de transformacion au niveu de las diftongas, per la palatizacion de las velaras davant las vocalas anterioras e per l'aparicion d'un rotacisme. Enfin, chau nòtar l'usatge d'un alfabet derivat de l'alfabet etrusc.
Ligams internes
[modificar | modificar lo còdi]Bibliografia
[modificar | modificar lo còdi]- (en) Carl Darling Buck, A Vocabulary of Umbrian: Including the Umbrian Glosses, Bristol, Evolution Publishing, 2001.
- (en) Carl Darling Buck, A Grammar Of Oscan And Umbrian: With A Collection Of Inscriptions And A Glossary, Kessinger, 1904.
- (en) Carl Darling Buck, The Oscan-Umbrian verb-system, Chicago, University of Chicago Press, 1895.
- (en) David H. Jerrett, « The Umbrian -NKY- Perfect », Transactions of the American Philological Association (1974-2014), vol. 104, 1974, pp. 169-178.