Olivièr lo Templièr

Olivier lo Templier (...-...) foguèt un cavalièr templari e trobador probablament catalan. Es nomenat dins un cançonièr amb lo nom de lo templièr En'Olivier, ont s'a trobat la sieuna unica peça qu'a demorat fins uèi lo jorn, Estat aurai lonc temps en pessamen. Poiriá èsser lo meteis Ramon Oliver qu'es comandant d'un Ostal del Temple a Gardeny al sètge de Lhèida en 1295. Non a d'èsser confndut amb un autre trobador templièr, Ricaut Bonomel, qu'aviá un estil fòrça desparièr e qu'escriguèt a Tèrra Santa.

La sieuna cançon foguèt ben classada pr'amor que faguèt una referéncia a la flota dels crosats que sortiguèt de Barcelona en 1269 e qu'aviá coma cap Jacme I d'Aragon. Olivèr escriguèt la cançon per Jacme I de qu'èra un admirator e per la capitada dels barons catalans.

L'dentitat catalana d'Oliver a pogut èsser confirmada per divèrsas pròvas trobadas en la meteissa cançon coma nomenar lo sénher de Gelida, Guerau de Cervelló, que benlèu n'èra familha. Al delà d'aquò, dins lo sieu escrit i a fòrça catalanismes maugrat qu'aquò poiriá èsser una fauta dels copistas e non pas d'el. Que foguèsse un afogat de Jacme I non pòt, totun, èsser considerat coma una pròva mai de la sieuna catalanitat.

Bibliografia

· (ES) Martín de Riquer. Los trovadores: historia literaria y textos. 3 vol. Barcelona: Planeta, 1975.