Ofensiva Toropets–Kholm

Un article de Wikipèdia, l'enciclopèdia liura.
Salta a la navegació Salta a la cerca

L'ofensiva Toropets–Kholm se debanèt dins lo corrent de la Segonda Guèrra Mondiala entre lo 9 de genier e lo 6 de febrier de 1942. Consequéncia de la desfacha alemanda a l'entorn de Moscòu, foguèt una tiera de còntra-ofensivas sovieticas còntra lei fòrças alemandas en retirada dins la region dau Lac Ilmen. L'Estat-Major alemand pensava pas l'Armada Roja capabla d'organizar d'atacas importantas après sei pèrdas de 1941 e foguèt suspres. En dificultat, l'armada alemanda deguèt laissar 5 000 òmes blocats dins la pòcha de Kholm onte resistèron a un sètge malaisat (23 de genièr - 5 de mai) fins a l'arribada de renfòrç a la prima. Dos jorns pus tard, leis unitats sovieticas implicadas dins l'ofensiva participèron pereu a la creacion de la pòcha de Demiansk.

Pasmens, l'objectiu generau dei Sovietics — destrurre lo Grop Centre deis armadas alemandas — mau capitèt maugrat la creacion dau salhent de Rzhev qu'anava venir un pensament estrategic major per lei generaus alemands fins a son evacuacion en març de 1943. Lei pèrdas umanas foguèron d'aperaquí 12 000 òmes per l'armada alemanda e 30 000 per l'Armada Roja.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]