Occitània País Nòstre
Occitània País Nòstre es una amassada politica occitana fondada al mes de novembre de 2019 per de militants eissits de la plataforma occitanista Bastir! e en particular d'aderents de l'associacion País Nòstre.
_de_Occitanie_Pa%C3%ADs_N%C3%B2stre_dans_la_Grande_Occitanie_au_1er_mars_2021.jpg)
Cronologia
[modificar | modificar lo còdi]Aquel nom Occitània País Nòstre es estat causit sul cort tèrme en prevision de la campanha de las eleccions municipalas de 2020 en França en remplaçament de Bastir! qu'èra lo nom causit per las de 2014 .
La causida del nom Occitània País Nòstre marcava per la meteissa escasença lo maridatge oficial de l'associacion País Nòstre, que fòrça militants avián aderit tre sa naissença a la plataforma Bastir!, ambe lo movement Bastir Occitània, qui el regropava formalament dempuèi 2016 los militants demorats actius de la dicha plataforma Bastir!.
En realitat, de nombroses militants occitanistas èran de tot biais encartats dins las doas associacions Bastir Occitània e País Nòstre.
Municipalas 2020
[modificar | modificar lo còdi]A las eleccions municipalas de 2020 en França, Occitània País Nòstre a donc labellisat jos aquel nom un cinquantenat de listas en Occitània.
Pendent los debats a prepaus del projècte de LGV en region Occitània, Occitània País Nòstre pren posicion en sa favor.
Fin 2020, Occitània País Nòstre reivindica una ret de 200 comitats dins 40 departaments franceses, tanben a Barcelona e a Brussèlas.
Regionalas de 2021
[modificar | modificar lo còdi]Lo 31 de març de 2021, Occitània País Nòstre anóncia sostenir la lista « Bastir Occitània » a las eleccions regionalas en Region Occitània (cap de lista : Joan-Luc Davezac) en aligança ambe Resistim, lo partit de Joan de Lassala. Aquela coalicion compren tanben d'aderents del Partit republican solidariste (PRS), del movement ecologista Democracia éco-ciutadana (DEC) e de l'associacion MGO.
Pendent lo congrès del 5 de decembre de 2021 lo movement òpta per una copresidéncia partejada entre Claire Daugé e Stéphane Albert.
Legislativas 2022
[modificar | modificar lo còdi]Lo 1èr de junh de 2022, « Bastir Occitània » desvèla 14 candidaturas per las eleccions legislativas en França, 13 en Occitània e una a París. Al marge d'aqueles candidats oficials estampilhats « Bastir Occitània », lo labèl País Nòstre es tanben atribuït en Region Occitània a tres candidaturas de Resistim, lo partit de Joan de Lassala.
Legislativas 2024
[modificar | modificar lo còdi]A las eleccions legislativas de 2024 en França, en seguida de 2022, « Bastir Occitània » a presentat 7 candidaturas en Occitània.