Obsidiana

Lʼobsidiana es una ròca magmatica volcanica e veirenca eissida dau refrejament fòrça rapid d'una lava siliçosa. Quauqueis inclusions mineralas, sovent d'oxids de fèrre, i son de còps presentas. A un aspècte massís e compacte de color negre lusent, brun sorn, gris ò negre amb de tacas rojas ò blancas. Sa composicion es generalament similara a aquela dau granit, mai una analisi petrografica es necessària per identificar lo magma a l'origina de sa formacion.

L'obsidiana se forma frequentament durant leis erupcions de magma acid. Se tròba ansin dins lei zònas superficialas dei coladas basalticas, dins leis ejectas de volcans explosius, dins l'envolopa dei dòmas e deis intrusions rioliticas e daciticas. Durant l'Edat de la Pèira, foguèt utilizada per fabricar d'otís. Uei, es utilizada per produrre d'objèctes ornamentaus.

Liames intèrnes

• Veire.
• Volcan.

Bibliografia

• (fr) Nicola Cipriani (trad. Marie-Hélène Alfonsi e Catherine Sobecki), Minéraux et Roches, París, Gründ, 1996.