Nutricion

La nutricion designa l'ensemble de las accions e dels procediments que permèton a un organisme vivent de recuperar e de transformar las substàncias necessàrias a son foncionament. Es pereu una sciéncia qu'es organizaa a l'entorn de dos aisses principaus :

• la fisiologia de la nutricion estúdia los procediments de transformacion dels aliments per l'organisme. S'interèssa ansin au ròtle dels macronutriments e dels micronutriments au niveu dels mecanismes bioquimics de la cellula e a las consequéncias sus los teissuts d'un desequilibri entre l'energia absorbia e l'energia despensaa per l'organisme.
• la psicologia de la nutricion analiza lo comportament alimentari d'un individú o d'un grop. S'interèssa mai que mai a l'estudi de questions coma « perqué manjem ? » o « coma chausissem nòstres aliments ? ». L'analizi d'aquelas questions mena a l'establiments de ligams entre las practicas alimentàrias e los factors socioeconomics qu'estructuran lo grop.

La nutricion se concentra mai que mai sus l'alimentacion umana. Amb lo desvolopament de la malnutricion o de l'obesitat, ocupa una plaça mai e mai dins la prevencion de malautiás grevas coma lo diabeta sucrat o las malautiás cardiovascularas. Pasmens, pòt de còps s'interessar au foncionament alimentari d'autras espècias.

Ligams internes

• Alimentacion.
• Sistema digestiu uman.

Bibliografia

• (en) J. H. Andrews, Comparative Ecology of Microorganisms and Macroorganisms, Nòva York, Springer, 2017.
• (en) J. Mann e A. S. Truswell (dir.), Essentials of Human Nutrition, Oxford, Oxford University Press, 2012.
• (en) S. J. Simpson e D. Raubenheimer, The Nature of Nutrition: A Unifying Framework from Animal Adaptation to Human Obesity, Princeton, Princeton University Press, 2012.