Novèla Union Populara, Ecologica e Sociala
(Redirigit dempuèi Novèla Union Populara Ecologica e Sociala)
La NUPES [ˈnypes] o la Novèla Union Populara, Ecologica e Sociala (var. la Navèra Union Populara, Ecologica e Sociala) (en francés la NUPES [nyp, nyps, nypɛs] o la Nouvelle union populaire, écologique et sociale) es una coalicion de partits politics de l'esquèrra francesa.
Creada en amont de l'eleccion presidenciala francesa de 2022, jol nom d'Union Populara (UP), per sosténer la candidatura de Jean-Luc Mélenchon portada per França Insomesa, la formacion s'es espandida puèi jos la forma d'una coalicion a la quala participan lo Pòl Ecologista (comprenent en particular Euròpa Ecologia Los Verds), lo Partit Comunista Francés e lo Partit Socialista, per tal de presentar de candidaturas comunas a las eleccions legislativas de 2022.