Nautor
La nautor (var. hautor) a de significacions que se precisan segon lo domeni en question.
Metrologia
[modificar | Modificar lo còdi]En metrologia (sciéncia de las mesuras):
- La nautor es la distància verticala entre un punt (o un objècte assimilat a un punt) e un nivèl de referéncia especificat. O encara la dimension d'un objècte, presa dins lo sens vertical. Vejatz Sistèma Internacional d'Unitats.
- En altimetria e geografia, la nautor es nomenada « altitud » quand mesura l'altitud (h) d'un punt terrèstre al repècte d'un nivèl de referéncia (qu'es mai sovent un Ellipsoíd de referéncia o Datum). La cal pas confondre amb l'elevacion (H) d'un punt terrèstre, que se calcula dempuèi lo Geoíd (nivèl mejan de las mars) de tal biais que se trapa segon la region estudiada.
Geometria
[modificar | Modificar lo còdi]- La nautor es un segment de drecha perpendicular que passa per un vertèx d'un poligòn, d'un cilindre o d'una piramida fins a la basa.
- La nautor d'un triangle es la drecha eissida d'un vertèx e qu'es perpendiculara al costat opausat. Exemple: Dins un triangle ABC, la nautor H eissida del vertèx A es perpendiculara al costat [BC].
Astronomia
[modificar | Modificar lo còdi]En astronomia, la nautor es l'angle que fa la direccion visada al repècte a l'orizontala; es lo complement de la distància zenitala. La nautor e l'azimut constituisson lo sistèma de coordonadas orizontalas.
Navegacion maritima
[modificar | Modificar lo còdi]- La nautor d'aiga es l'amplitud atenguda per la marèa a un instant donat; se détermina per un calcul de marèa. Aponduda a la sonda indicada sus la mapa de marina, permet de coneisser la prigondor efectiva a aquel instant (lo nivèl de referéncia de las mapas de marina - zèro de las cartas - essent aquel de las mars mai bassas).
- La nautor d'un objècte recobèrt per la marèa es comptada tanben dempuèi lo zèro de las mapas e precisada sus la mapa per una chifra soslinhada.
- la nautor d'un punt de reperi, d'una balisa, del fogal d'un far o du taulièr d'un punt es indicada sus las mapas de marinas dempuèi lo nivèl atengut per las plenas mars de coefficient 95.
Navegacion aeriana
[modificar | Modificar lo còdi]- La nautor[1] es la distància verticala entre un punt e lo sòl. La cal pas confondre amb l'altitud o un nivèl de vòl.
- L'altitud es la distància verticala entre un punt e lo nivèl de la mar. La nautor e l'altitud son doncas egalas al dessus de la mar.
- Lo nivèl de vòl (o FL = Flight level) es una superfícia isobara. Es egal a l'altitud quand la pression atmosferica es de 1013 hPa al nivèl de la mar e que la temperatura al nivèl de la mar es de 15 °C. Es sonque dins aquela condicion e al dessus de la mar que nautor = altitud = nivèl de vòl.
Musica
[modificar | Modificar lo còdi]En musica, la nautor es la frequéncia d'un son musical, d'una nota de musica.
Nòtas e referéncias
[modificar | Modificar lo còdi]- ↑ (fr)Parachutisme - Notions de base - Du premier saut au brevet B - FFP documentation - ISBN 2-908-161-11-9Error d'escript : lo modul « check isxn » existís pas.