Nòrma sociala

Un article de Wikipèdia, l'enciclopèdia liura.
Anar a : navigacion, Recercar

Una nòrma sociala fa referéncia a una règla de conducha dins una societat o un grop social, coma per exemple los biais d’agir. Las nòrmas socialas definisson lo domèni de l’accion sociala precisant çò que l’individú pòt o pòt pas far. Traduson las valors e los ideals dominants de la societat o del grop.

Existís de nòrmas formalas, (escrichas: leis, diferents còdes e reglaments). Existís tamben de nòrmas informalas que constituisson en fach las mors, las abituds, las costumas, eca (ex.: la cortesiá, ritme dels repais). Lo non respècte d'aquelas nòrmas es o tolerat o rebutat e sanccionat. Dins l'encastre de las nòrmas formalas, las sanccions consistèron en de prison, de multas, de licenciaments, eca. Senon s'agirá subretot de sanccions moralas coma d'escarnis, anant fins a l'exclusion d'un individú de son grop d'apartenéncia. Gaireben totes los membres de la societat o del grop acòrdan donc una valor a aquelas. Lo respècte d'aquelas nòrmas contribuís donc a la coesion sociala, mas se n'escartar mèna a una fractura a causa de la sanccion podent anar fins a l'exclusion.

La socializacion permet de transmetre de valors, que las valors dichas « centralas », e de nòrmas. Se destria las nòrmas, materializacion de las valors, de règlas, que constituisson la realizacion de las valors.

Articles connèxes[modificar | modificar la font]

Bibliografia[modificar | modificar la font]

  • Pierre Demeulenaere, Les normes sociales, París, Presses universitaires de France, 2003.