Nèguev
| Neguèv | |
| |
| Geografia | |
|---|---|
| Superfícia | 13000 km² |
| Latitud | 30.694612 |
| Longitud | 34.870605 |
| Temperaturas | de |
| Precipitacions | |
| Administracion | |
| País | Israèl |
| Autras informacions | |
| Ressorsas naturalas |
|
Nèguev (de l'ebrieu : נֶגֶב ; en arabi : النقب - an-Naqab) es una region desertica del sud d'Israèl. En ebrieu biblic, Nèguev significa «sud». Nèguev cobrís la mai granda partida del districte sud d'Israèl.
Geografia
[modificar | Modificar lo còdi]Geograficament, d'una superfícia de 13 000 km2, aquel desèrt forma un triangle capvirat. Es limitat a l'oèst pel desèrt de la peninsula del Sinai e a l'èst per la val d'Araba.
Populacion
[modificar | Modificar lo còdi]La vila principala es Beer-Sheva (prèp de 200 000 abitants) al nord. Lo limit sud es lo golf d'Eilat e d'Aqaba e la vila balneària israeliana d'Eilat. Las autras vilas son Dimona e Mitzpe Ramon e las ciutats bedoïnas que Rahat e Tel Sheva.
Lo Nèguev constituís 60 % de la superfícia de l'Estat d'Israèl mas abriga pas que 8 % de sa populacion, qu'una forta comunautat de Bedoïns (25 % de la populacion regionala).
La populacion de Bedoïns, que son de ciutadans arabis, es estimada a 160 000 personas. La volontat de las autoritats israelianas seriá de los sedentarizar, e per aquò, son dirigits en granda partida cap als vilatges bastits pel govèrn. Una autra mitat demòra sus las tèrras d'origina, dins de vilatges que son pas reconeguts e onte las condicions d'existéncia son precàrias a causa de l'abséncia d'infrastructuras e de las destruccions de las autoritats israelianas[1],[2].
La situation es conflictuala entre las autoritats israelianas e la populacion bedoïna.
Flora
[modificar | Modificar lo còdi]La vegetacion es fòrça rara, pasmens, qualques arbres capitan a subsistir e qualques pichons boissons secats pel solelh. La vida dins lo desèrt se situa totjorn a l'entorn dels oasis o a l'entorn dels poses cavats per l’òme.
Geologia
[modificar | Modificar lo còdi]Se trapa fòrça curiositats geologicas e culturalas, coma tres grands circs o machteshim, unics dins la region: ha-Machtesh ha-Gadol (« lo grand cratèr »), ha-Machtesh ha-Katan (« lo pichon cratèr ») e lo cratèr Ramon, lo mai vast. Aqueles son pas de cratèrs d'impacte.
Istòria
[modificar | Modificar lo còdi]Sul plan istoric, foguèt tanben lo teatre de las activitats de la civilizacion dels Nabateans qu'alá fondèron la ciutat d'Avdat, l'Oboda antica, sus l'itinerari de lors caravanas anant cap a Petra.
Desvolopament
[modificar | Modificar lo còdi]Ara, aquela region se situa al centre de l'agenda israelian del desvolopament del païs amb fòrça programas de reforestacion del desèrt, d'implantacion de nòus migrants e de desvolopament economic afin de desengorgar lo litoral costièr. Per aquela tòca una novèla linha ferroviària foguèt inaugurada en 2005 entre Tel Aviv e Beer-Sheva, la « capitala del desèrt ». Lo Nèguev es tanben conegut sul plan internacional perque abriga las installacions de la centrala nucleara de Dimona, lo còr del programa nuclear militar d'Israèl, e lo centre de lançament de Palmachim.
En 2006, un novèl ministèri dirigit per l'ancian Primièr ministre Shimon Peres foguèt creat sonque per la mission de tornar florir lo desèrt del Nèguev cap a 2015.
Galariá
[modificar | Modificar lo còdi]-
Roïnas dins lo desèrt de Nèguev -
Desèrt de Nèguev. -
Desèrt de Nèguev. -
Vista de las espandidas del desèrt de Nèguev
Nòtas e referéncias
[modificar | Modificar lo còdi]- ↑ (fr)Squatters sur leurs propres terres : les tribus bédouines du Néguev, Catherine Weibel
- ↑ Los bedoïns del Nèguev: una minoritat oblidada, Kathrin Koeller
