Missil antiaerian

Un article de Wikipèdia, l'enciclopèdia liura.
Salta a la navegació Salta a la cerca
Batariá de missils Crotale sus una fregata francesa.
Elements d'una batariá de tir dau missil antiaerian de portada lònga S-400.

Un missil antiaerian es un missil destinat a atacar e destrurre un aeronau advèrs. Apareguts a la fin de la Segonda Guèrra Mondiala, se generalizèron a partir deis ans 1950 amb l'intrada en servici de bombardiers capables de volar a una altitud superiora a la portada dei canons antiaerians. Puei, dins lo corrent dei decennis seguents, foguèron concebuts de missils de portada pus porta que completèron lei canons antiaerians utilizats sus lo prat batalhier avans de lei remplaçar[1]. Un autre objectiu dei camps en preséncia durant la Guèrra Freja foguèt d'aumentar la mobilitat dei sistèmas de tir per lei protegir còntra una ataca de missils.

Existís donc una diversitat importanta de missils antiaerians que son distinguits segon son tipe, sa carga e son sistèma de tir :

  • lei missils de portada corta (Crotale...) an una portada inferiora a 15 km. Lo guidatge es generalament radar mai existís de modèls amb de sistèma infraroge.
  • lei missils de portada mejana (SA-6...) an una portada de l'òrdre de 50 km. Lo guidatge es unicament realizat gràcias a un radar.
  • lei missils de portada lònga (MIM-104 Patriot...) an una portada de mai de 100 km e un guidatge radar. Un nombre important de missils d'aquela categoria es tanben capable d'interceptar un missil convencionau enemic.
  • lei missils amb una carga de fragmentacion, generalament de bilhas metallicas.
  • lei missils amb una carga de cambas metallicas.
  • lei missils amb una carga que son explosion es orientada dins una direccion donada.
  • lei missils amb una ogiva nucleara tactica.
  • lei missils tirats per un fantassin.
  • lei missils tirats per de sistèmas terrèstres (generalament de veïculs).
  • lei missils tirats per de naviris.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]

  1. Lei canons antiaerians demòran utilizats dins lei fòrças navalas.