Es constituit de dos sucs distants d'un mieg-quilomètre. Le suc sud es lo pus naut a 1 753 mètres d'altitud, e constituís lo pus naut suc delh bòrd orientau delh Massís Centrau. Se situa dins lo departament d'Ardecha, que n'es lo punt culminant, dins la comuna de Borèia. Lo suc nòrd es subremontat d'una crotz e culmina a 1 744 mètres d'altitud, alh jonhent de las comunas de La Rocheta, Chaudairòla e daus Estables. Es lo punt culminant delh departament de Naut Léger.
Mesenc dempuèi Chaudairòla, amb alh prumèir plan, las narças de Chaudairòla, una sanha.La taula d'orientacion delh suc sud delh mont Mesenc a 1 753 m d'altitud. A gaucha, lo ròc Torta (1 535 m) e lo vialatge daus Estables, a dreita lo mont d'Alambra (1 691 m).
Mesenc es un dòma de fonolita que data de 7 Ma. Es enrodat de plans basaltics delh mesme atge e d'autres dòmas de fonolita o de traquita. La montada delh magma se faguèt progressivament gràcia de fracturas delh sòcle en plusors planèirs e pechonas chambras. L'abséncia de piroclastita demòstra l'abséncia d'erupcions cataclismicas liadas a la vujança de grandas chambras magmaticas[2].
França
