Mediatèca José Cabanis
La mediatèca José Cabanis se situa dins lo quartièr Marengo a Tolosa, en plaça de l'anciana escòla veterinària de Tolosa desmoliada en 1965. Aquèsta òbra de biais monumental foguèt concebuda pel cabinet d'arquitectura de Jean-Pierre Buffi associat al cabinet d'arquitectura tolosenc Séquences et Architectes Associés. La mediatèca dobèrta dempuèi 2004, sa realizacion data de 2002-2003.
Arquitectura[modificar | Modificar lo còdi]
En forma d’arca, lo bastit cntunha l’axe de l’avenguda en fàcia de que se trapa en daissant visible una partida de la perspectiva que se podava veire abans la construccion sus l’avenguda Jòrdi Pompidor. Los dos volums que compausan las colomnas d'aquesta arca asimetrica an de vocacions diferentas: aquel de drecha, mai larga, abriga la quita mediatèca alara qu'aquel d'esquèrra aculhís de locals comercials o institucionals. Los dos volums son ligats dins los aires per un bèlvéser que dona sus un panoramà sus la vila amb la plaça Wilson, de l’autre costat de l’avenguda Joan Jaurès. Cada blòt es tanben ligat jos tèrra un malhum menant als transpòrts de la vila: la gara dels trens, de buses locals e regionals e lo mètro. La dintrada de l'arca es barrada per un jardin que davala fins al nivèl del mètro per donar de lutz a la bibliotèca per enfants, mas una planca far la continuïtat de la carrièra e permet d’accedir a las dintradas dels bastits situadas jos l’arca. Las faciada abans e rèireson cobèrta de veire sus que se superpausan des parasolelh constituits de bendas en tèrra cuècha. En mai de lor foncionalitats de regulacion termica, aqueles panèls vòlon de ritmar la faciada e de reproduire la color dels telats e parets de la vila en brica roja.
Dedins, un potz cavat suls quatre primièrs estatges e lo sossòl dona al bastit una bona nautor. Cada estatge es ligat per un grand escalièr en espirala que la forma elicoïdala ven apiejar l’efièch de verticalitat. Cada estatge a un tèma:
- debàs del jardin: enfança e enfança pichona, espaci multimèdia;
- planpé: acuèlh, prèsts/retorns e actualitat;
- estatge 1: societat, civilizacion, sciéncia e léser;
- estatge 2: adolescéncia, art e literatura;
- estatge 3: art, cinèma, musica e dèca visuala.
Chifre màgers[modificar | Modificar lo còdi]
Se pòt consultar l'ensemble dels rapòrts d'activitat sul site Internet de la Bibliotèca de Tolosae e sus site de l'ENSSIB
- Superfícia: 13 500 m2
- Arquitècte: Buffi, Architectes Associés et Séquences.
- Entreprenaires: Uffbanque
- Inscrichs: 64 265
- Ensemble de las colleccions (estimacion): 400 000 documents
- Nautor: 35 mètres