Massimo Stanzione

Massimo Stanzione, tanben dich Stanzioni, nascut a Orte di Atella en Campània (al nòrd de Nàpols) en l'an 1585 e mòrt a Nàpols en l'an 1656, foguèt un pintor italian.

Vida

Massimo foguèt lo discípol de Fabrizio Santafede a partir de l'an 1603, puèi lo de Battistello Caracciolo, del qual aprenguèt los efièches de lutz e de dramatisacion amb la lutz, un trach tipic del caravatgisme. Se'n anèt a Roma entre 1617 e 1618 per trobar l'inspiracion amb d'artistes coma Guido Reni e Artemisia Gentileschi. Puèi se confrontèt amb l'art de sa vila natala a Nàpols, ont encontrèt Ribera e Filippo Vitale.