Marta de Betània

Representacion de Santa Marta

Marta de Betània (o Tamar) es un personatge biblic, sòrre de Maria e de Làzer de Betània que apareis dins lo Novèl Testament. Es venerada coma santa dins totas las confessions crestianas.

Marta en Provença

Segon las tradicions provençalas, Marta se seriá refugiada, aprèp que Jèsus moriguèsse, en Provença a las Santas Marias amb son fraire Làzer e sa sòrre Maria. Seriá anada tanben a Tarascon ont segon la legenda dondèt la Tarasca.

Tomba de Tarascon

Dins la Catedrala de Tarascon se tròba un sepulcre del sègle XV qu'es sonat Tomba de Santa Marta e foguèt escalprat per Francesco Laurana. La realizacion d'aqueste foguèt demandada pel rei Rainier I d'Anjau.

Celebracion de la Santa

Bust-reliquiari de la Santa (Collegiada de Tarascon)

A mai de la vila de Tarascon, Marta de Betània es la patrona de las localitats seguentas:

Al País Valencian

• Vilajoiosa: ont s'i celèbran las Fèstas de "Moros i Cristians" en onor a Santa Marta entre lo 24 e lo 31 de julhet.

En Andalosia

• Martos (província de Jaén).
• La Algaba (província de Sevilla).

En Colombia

• Santa Marta: que recebèt aqueste nom en onor a la Santa.