Margherita Aldobrandeschi
| Biografia | |
|---|---|
| Naissença | 1255 (Gregorian)  (770/771 ans)Sovana (ca)  |
| Donadas personalas | |
| Autres | |
| Conjunt | Nello dei Pannocchieschi (fr) Guy de Montfort |
| Descendéncia | Thomasse de Montfort (fr) (  Guy de Montfort)Anastasia de Montfort (fr) ( Guy de Montfort) |
| Maire | Francesca di Baschi (mul) |
| Paire | Ildebrandino XI Aldobrandeschi (en) |
 | |
Margherita Aldobrandeschi (Sovana, 1255 circa – ...) èra una femna de la noblessa italiana, molhèr de Guy de Montfort.
Biografia
[modificar | modificar lo còdi]Enfança e primièrs maridatges
[modificar | modificar lo còdi]Margherita èra la filha d'Ildebrandino Aldobrandeschi, comte de Sovana e Pitigliano, conegut coma "lo Roge" per son temperament ardent e sa fe indomabla dins lo partit Guelf . A una edat fòrça jove, foguèt donada en maridatge a Guy de Montfort, fisèl de Carles d'Anjau, conegut coma un òme violent e crudèl e mai tard remembrat dins l'istòria coma l'autor del crime brutal de Viterbo : per lo qual Dante, dins la Divina Comèdia, lo condemnèt al castig reservat als òmes violents. Pendent la guèrra contra los aragonés, Guy de Montfort foguèt capturat e embarrat dins la preson de Messina e lai moriguèt. Aguèt pasmens una filha amb Margherita, Anastasia de Montfort, que se maridèt amb Romano Orsini en 1293. Sens mai de novèlas de son òme, Margherita esposèt Loffredo Caetani, nebot del papa Bonifaci VIII , puèi lo comte Nello Pannocchieschi, un poderós chivalièr sienés, ancian ajutòri de son òme. Pannocchieschi èra estat enfeudat pel paire de Margherita e promogut a cap de la Liga Guelfa de Toscana per Guy de Montfort. Lo maridatge foguèt immediatament anullat per Bonifaci VIII per bigamia, mas dins aquel periòde Margherita aguèt un filh amb Pannocchieschi, Bindoccio, que foguèt fisat a son paire immediatament après la naissença e que moriguèt mai tard a Massa Marittima negat dins un potz a l'edat de tretze ans a las mans de sicaris dels Orsini.
Comtessa de Sovana e Pitigliano
[modificar | modificar lo còdi]Amb la mòrt de son paire, tot lo pes del comtat tombèt sus las espatlas de la jove comtessa que deguèt lèu s'ocupar d'aqueles que cobejavan sas possessions. D'entre aqueles, en mai de Siena e Orvieto, lo mai intencionat a li prene lo comtat èra lo Papa, que, incapable d'agir per de mejans militars, forcèt Margherita a se maridar amb son cosin Loffredo Caetani. Mas lo fòrt refús de Margherita de renonciar al poder induguèt lo Papa a anullar aquel maridatge tanben. Esposèt mai tard Orsello Orsini que moriguèt sonque dos ans après lo maridatge. Sens mai la proteccion dels Orsini, opausats pel Papa e amb los Sieneses que pressionan sus las frontièras del comtat, Margherita demandèt d'ajuda a son cosin, lo comte Guido Aldobrandeschi de Santa Fiora, un enemic guibelin de Siena . Lo maridatge entre lei dos Aldobrandeschis vèrs 1298 e l'unificacion dei dos comtats suscitèron una reaccion militara de Siena.
La desfacha e los darrièrs ans
[modificar | modificar lo còdi]Vencuts e se refugiant dins la fortalesa de Radicofani, las doas familhas Aldobrandeschi resistiguèron fòrça als Sieneses, tuant quatre cents soldats enemics dins una sola batalha, mas capitulèron fin finala a causa de l'intervencion de las tropas papalas. Capturats e empresonats, foguèron despolhats de totes lors bens. Lo comtat de Santa Fiora passèt als Sieneses, mentre que lo de Sovana venguèt jol contraròtle del papa. Mentretant, Nello Pannocchieschi, captivat pels encants de Margherita, aviá obtengut la permission del Papa de l'esposar en 1303. Fàcia a son insisténcia, Margherita acceptèt de se maridar amb Nello, mas aquel maridatge tanben foguèt de corta durada. Lassa de tant de causas que se passan, a la mòrt de Bonifaci VIII, Margherita quitèt Castèl di Pietra e se refugièt d'en primièr a Roma e puèi a Orvieto.
La data e lo luòc de la mòrt son desconeguts.
Bibliografia
[modificar | modificar lo còdi]- Demetrio Piccini e Giuseppe Sani, Margherita Aldobrandeschi. La Vida e Amores de la Comtessa de Sovana e Pitigliano
Ligams extèrnes
[modificar | modificar lo còdi]- Luciana Marchetti, "Margherita Aldobrandeschi", Dizionario biografico degli italiani, vol. 2, Istituto dell'Enciclopedia Italiana, 1960.