Manuel Sanchis i Guarner

Un article de Wikipèdia, l'enciclopèdia liura.
Salta a la navegació Salta a la cerca

Manuel Sanchis Guarner (nascut e mòrt a Valéncia, 1911-1981) foguèt un dels mai eminents filològs valencians. Emai èra istorian e escrivan.

Es autor d'una òbra vasta que comprén d'estudis de lingüistica, de literatura, d'istòria, d'etnografia e cultura populara, centrats sul País Valencian, mas tanben sul demai de l'anciana Corona d'Aragon e la Peninsula Iberica.

Demest sas òbras cal remarcar La llengua dels valencians, publicat en 1933 que coneguèt de reedicions multiplas; la Gramàtica valenciana (en 1950), Els pobles valencians parlen els uns dels altres (de sièis volums), o l'Aproximació a la història de la llengua catalana (en 1980). Collaborèt a d'òbras essencialas, coma per exemple lo Diccionari català-valencià-balear o la Història del País Valencià. En 1974 foguèt recompensat amb lo Premi d'Honor de les Lletres Catalanes.

Biografia[modificar | modificar la font]

Manuel Sanchis Guarner foguèt un dels participaires a l'elaboracion de las Normes de Castelló. Defendiá la tèsi que lo valencian es una modalitat dialectala d'una lenga comuna partetjada amb de variantas diferentas en Catalonha e a las Balearas, pr'aquò pas jamai subordinada o inferiora a elas. Expausèt aquelas idèas dins son libre La llengua dels valencians, en argumentar que degun dins lo passat aviá discutit l'unitat de la lenga al País Valencian.

Participèt a la Guèrra Civila Espanhòla en defensa de la Republica. Aquò li costèt de ne patir de represalhas pendent lo franquisme. Passèt pel camp de concentracion dels presonièrs politics de Salamanca fins a far son temps de condamnacion a Madrid (de 1939 a1943). Foguèt fòrabandit a Malhòrca entre 1943 e 1959 (periòde que s'i assolida sa collaboracion amb Francesc de Borja Moll per l'elaboracion del DCVB). En 1959 tornèt a València coma professor de francés a l'Institut San Vicente Ferrer fins que en 1960 foguèsse nomenat professor non numerari a l'Universitat de València. A la debuta de las annadas seissanta dintrèt dins l'Institut d'Estudis Catalans e foguèt expulsat de la societat culturala Lo Rat Penat per encausa de sa defensa de l'unitat de la lenga. En 1966 foguèt acceptat dins la Real Acadèmia de la Història. En 1978 foguèt victima d'un atemptat de bomba organizat per de sectors d'extrèmadrecha. Actualament son filh, que se ditz tanben Manuel Sanchis Guarner, es membre del Consell Valencià de Cultura. En 2006 se celebrèt lo vint-e-cinquen anniversari de la mòrt de Manuel Sanchis Guarner amb una exposicion a l'Universitat de València organizada per l'Acadèmia Valenciana de la Llengua.

Ligams extèrnes[modificar | modificar la font]