Malariàterapia
La malariàterapia es un tractament medicau desvolopat au començament dau sègle XX per sonhar la sifílis. Frequent durant leis ans 1920-1940, demorèt utilizat fins ais ans 1970. Son principi es de destrurre lei bactèris responsables d'aquela malautiá gràcias a la fèbre dau paludisme. Puei, aqueu darrier èra eliminat – ò limitat – amb un antipaludic. Lo metòde èra perilhós – i aguèt de decès en causa dau paludisme – mai foguèt generalament jutjat preferible a una mòrt causada per la sifílis.