M142 HIMARS
Lo M142 HIMARS es un lança-roquetas multiple leugier desvolopat dins leis ans 1990 per leis Estats Units d'America. Intrat en servici en 2005, tira lei meteissei municions que lo M270 MLRS mai sa massa de 16,25 t li permet d'èsser transportat dins un avion C-130. Segon lei roquetas utilizadas, pòu ansin atacar d'objectius situats a de distàncias maximalas de 32 a 70 km. L'engenh pòu tanben tirar de missils balistics tactics MGM-140 ATACMS d'una portada de 300 km. Pasmens, a respècte dau M270, son panier de roquetas a una capacitat pus febla (6 roquetas còntra 12).
Lo còst unitari d'un M142 èra estimat a 5,6 milions de dolars en 2020 e la produccion es totjorn en cors. L'armada estatsunidenca n'es l'utilizaire principau. Pasmens, en 2020, quauquei país aliats deis Estats Units (Singapor, Romania, Jordania e leis EAU) avián tanben adoptat aqueu lança-roquetas multiple dins sei fòrças. Quauqueis exemplaris foguèron donats a Ucraïna en 2022 durant la guèrra entre Kiev e Moscòu. D'autreis Estats son tanben interessats per aquel armament.
Liames intèrnes[modificar | Modificar lo còdi]
Bibliografia[modificar | Modificar lo còdi]
Nòtas e referéncias[modificar | Modificar lo còdi]