Lofofora

Un article de Wikipèdia, l'enciclopèdia liura.
Lofofora en 2021

Lofofora es un grop rock metal francés de París (França) fondat en 1989 e compausat de Reuno (cant), Phil Curty (guitarra, bassa), Daniel Descieux (guitarra) e Vincent Hernault (batariá). Es un grop emblematic en França del moviment musical fusion post grunge, es a díser que lo fenomèn Nirvana e lo retorn en fòrça del punk rock grunge de caps 1991 obriguèt la pòrta a un reviscòl del metal, reactualisat en i mesclar los genres musicals de l'epòca coma lo rap o l'electro, d'aquí lo tèrme de fusion (per lo mescladís) e mai precisament de nu metal (metal nòu), que Lofofora n'es en França benlèu lo grop lo mai representatiu, còsta d'autras formacions exagonalas de la meteissa epòca coma No One Is Innocent, Silmarils, FFF o Treponem Pal.

Lo tròç L’Œuf (l'uòu) que lancèc lo fenomèn Lofofora en 1995 demòra benlèu a l'ora d'ara lor cançon la mai coneguda. Lo tèxte d'aquesta cançon es una denonciacion del racisme (sèm totes sortits del meteis uòu, una sola raça per mantunas colors) que foguèt identificada a l'epòca coma una referéncia dirècte a La peau (la pèl, en 1994) de No One Is Innocent, la parentat entre los dos grops parisencs èra evidenta, tant per la musica (nu metal / fusion) que per l'esperit (lo combat contra lo faiscisme). D'aquesta passa, se reïvindican de lor modèl american Rage Against the Machine, e en França coma eredèrs del moviment alternatiu, mai precisament de Bérurier Noir, que Lofofora faràn quitament una represa de Vive le feu.

Discografia[modificar | Modificar lo còdi]

  • 1995: Lofofora
  • 1996: Peuh !
  • 1999: Dur comme fer
  • 2003: Le fond et la forme
  • 2005: Les choses qui nous dérangent
  • 2007: Mémoire de singe
  • 2011: Monstre ordinaire
  • 2014: L'épreuve du contraire
  • 2018: Simple appareil
  • 2019: Vanités

Cançons mai conegudas[modificar | Modificar lo còdi]

  • L’Œuf (1995)
  • Holiday in France (1995)
  • Amnes' history (1996)
  • Vive le feu (1996, represa de Bérurier Noir)
  • Dur comme fer (1999)

Referéncias[modificar | Modificar lo còdi]