Lo Boquet provençau

	Lo Boquet Provençau; Lou Bouquet prouvençaou
Autor	Joan Baptista Còia, Joan Baptista Germain, Francés Totsants Gròs, l'abat N. Vigno, Glaudi d'Agevila Josèp Francés Achard, Joan Jaume Leon d'Astròs, Josèp Mariús Dieulofet
Prefaci	Josèp Francés Achard
Director	Josèp Francés Achard
Genre	Antologia literària en occitan
Version occitana
Editor	Achard
Parucion	Marselha 1823

Lo Boquet provençau (Lou Bouquet prouvençaou, dins la grafia originala) es una antologia de literatura e de poesia de lenga occitana provençala composat per l'estampaire, editor e autor Josèp Francés Achard. (Joseph François Théodose, en francés - Marselha, lo 27 d'octobre de 1780 - Tolon, lo 13 de julhet de 1845).

Enmai d'estampaire, Archard sieguèt sota-bibliotecari a Marselha çò que li donèt l'escasença e lo biais d'acampar aquelei tèxtes.

Lo Boquet sieguèt publicat a Marselha en 1823.

Aquesta antologia se composa de dos partida :

una premiera acampa leis escrivans e òbras dau "passats" (tan vau dire, dau sègle XVIII) coma lei poema anonimes la Festa de Mossur Barna vò lo vòl de la cavala, l'Aventura d'un Lebrau, Joan Baptista Còia, Joan Baptista Germain, Francés Totsants Gròs, l'abat N. Vigno e Glaudi d'Agevila
una segonda ambé d'escrivan conteporans (alara) : lo meme Achard, Joan Jaume Leon d'Astròs, Josèp Mariús Dieulofet

Dins son introduccion en provençau, Achard pausa la question de la grafia sotalinhant e deplorant tanben la manca d'una nòrma escricha.

Edicion[modificar | Modificar lo còdi]

Lou Bouquet Prouvençaou. Marselha : Achard, 1820.

Liame intèrne[modificar | Modificar lo còdi]

Émile Vignancour : eu tanben compilator, editor e poeta de lenga d'oc a la mema epòca en Bearn monte seis antologias publicadas sota lo títol Poésies béarnaises son un trabalh equivalent qu'acampa de "classics" dau sègle XVIII ambé d'autors contemporans.