Litfiba
Litfiba es un grop de ròck italian format a Florença en 1980.
Litfiba emportèt lo Festenal ròck de Bolonha en 1982. A l'epòca, Litfiba èra compausat de Federico « Ghigo » Renzulli a la guitarra, de Gianni Maroccolo a la bassa, de Ringo De Palma a la batariá, de Antonio Aiazzi aus clavièrs e del cantaire Piero Pelù.
Lo nom ven de l'adreça télex de lor estúdio dins lor vila natala, Florença) : LITFIBA es la sigla en italian per L (l'indèx telefonic télex De L'operator) IT (Itàlia) FI (Firenze per Florença en italian) BA (per Bardi, lo nom de la carrièra dins la quala se trobava lor local de repeticion).
Gianni Maroccolo quitèt lo grop en 1989 e lo bataire Ringo De Palma se moriguèt d'una subredòsi d'eroïna l'annada d'après, pendent l'enregistrament de l'album El Diablo (1990).
Pendent l'enregistrament de Terremoto, Litfiba aviá alavetz Franco Caforio a la batariá e Roberto Terzani a la bassa (remplaçat après per Daniele Bagni).
Après un darrièr concèrt balhat a Monza en julhet de 1999, lo cantaire Piero Pelù quitèt lo grop per se lançar dins una carrièra sòlo. Foguèt remplaçat per Gianluigi « Cavo » Cavallo.
En 2009, lo cantaire Piero Pelù torna dins lo grop.[1]
Discografia[modificar | Modificar lo còdi]
- 1985 : Desaparecido
- 1987 : 17 Re
- 1988 : Litfiba: 3
- 1990 : El Diablo
- 1993 : Terremoto
- 1995 : Spirito
- 1997 : Mondi sommersi
- 1999 : Infinito
- 2000 : Elettromacumba
- 2001 : Insidia
- 2005 : Essere o sembrare
- 2012 : Grande nazione
- 2016 : Eutòpia