Lista de clients d'Epstein

Manifestants que demandan la publicacion de los fichièrs sus Jeffrey Epstein del temps de la manifestacion "Good Trouble Protest" a Washington, D.C. lo 17 de julh de 2025.

La lista dels clients d'Epstein es un document ipotetic que se ditz que conten lo nom dels clients mai famoses a qui lo milionari pedofil Jeffrey Epstein porgissiá de dròllas joves, que seriá una part infima d'un ensems de documents que son coneguts jol nom de dossièrs d'Epstein.

L'entrepreneire criminal Jeffrey Epstein que foguèt condemnat per abús sexual de menors, cultivava un cercle social de personalitats publicas que compreniá divèrses politicians e celebritats , çò que generèt e alimentèt cèrtas teorias de conspiracion qu'afirmèron qu'Epstein possedissiá una lista de clients qu'avián participat a sa ret de pedofilia e que l'utilizava per far de chantatge. S'apond tanben que seriá estat assassinat per encausa d'aqueste document e qu'auriá pas comés un suicidi, contràriament a la version oficiala.

Las allegacions qu'existissiá una lista de clients apareguèron gaireben immediatament aprèp la mòrt d'Epstein en 2019. Tornèron a èsser viralas en junh de 2025 aprèp un tweet d'Elon Musk qu'èra ja pas mai conselhièr del president Donald Trump per tal de se vengar de son eviccion de l'Ostal Blanc e afirmava que Trump figurava demest los noms citats dins la lista.