Linda William

Linda William, nascuda lo 20 de novembre de 1964 a París (França) e mòrta lo 28 de març de 2010 a Orvieto (Itàlia), èra una modèla e una cantaira francesa, mai que mai coneguda en Occitània per son tube Traces en 1989.

Son títol Traces es estat escrich pel rocker francés Jean-Patrick Capdevielle. La musica, ela, es del compositor italian Romano Musumarra, ambe qui aurà quitament un mainatge en 1994 : es en 1988 que Linda William encontra Romano Musumarra que dins las annadas 1980 a agut fòrça succès en França ambe sas musicas, vist qu'es el qu'a compausat totes los tubes de Stéphanie de Monaco (Ouragan, Flash...) e de Jeanne Mas (Toute première fois, Johnny, Johnny, Rouge et noir etc) ; es d'alhors justament pr'amor que Romano Musumarra ven d'arrestar de collaborar ambe Jeanne Mas en 1988 que pòt trabalhar alavetz sus l'album Traces de Linda William.