Lhívia (Cerdanha)
Llívia (ca)  | |
 | |
| Nom oficial | Llívia (ca)[1] |
|---|---|
| Administracion | |
| Capitala | Llívia (ca)  |
| Capitala de | comtat de Cerdanya (ca) |
| Lenga oficiala | catalan |
| Politica | |
| • Alcalde (ca) | Albert Cruilles Ruaix (ca) (2023–) |
| Geografia | |
  | |
| 42° 27′ 50″ N, 1° 58′ 45″ E | |
| Estat | Espanha |
| Comunautat autonòma | Catalonha |
| Domeni foncional territorial | Naut Pirenèu e Aran |
| Comarca | Bassa Cerdanha |
| Superfícia | 12,9 km²[2] |
| Altitud mejana | 1 224 m[2] |
| Fus orari | UTC+01:00 |
| Demografia | |
| • Totala | 1 562[3] ab. (2025 ) |
| • Densitat | 121,09 ab./km² |
| Autras informacions | |
| Còdi postal | 17527 |
| Sit web | llivia.org |
Lhívia (Llívia en catalan) es un municipi de la Comunautat Autonòma de la Generalitat de Catalonha, de la província catalana de Girona e de la comarca de Bassa Cerdanha.
Lhívia es una enclava de l'estat espanhòl dins l'estat francés. Es un municipi situat a 153 km al nòrd de la capitala de sa província, Girona, enrodat en totalitat per de territòri francés coma resultat del Tractat dels Pirenèus de 1659: pr'amor d'aqueste, Espanha donèt a França los trenta tres vilatges de las comarcas de Valespir, Capcir, Conflent, Rosselhon e l'Auta Cerdanha que uèi forman, ensems amb Fenolheda, lo departament francés dels Pirenèus Orientals. Llívia restèt fòra d'aqueste tractat per son estatut de vila, privilègi concedit per l'emperador Carles V, e continuèt jol domeni del rei d'Espanha. L'11 de febrièr de 1939, quand s'acabèt la Guèrra Civila Espanhòla, las autoritats del band nacional demandèron a las autoritats francesas l'autorizacion d'ocupar Llívia.
| Entitat de populacion | Abitants (2023) |
| Llívia | 1 503 |
| Cereja | 49 |
| Gorguja | 20 |
| Font: Idescat | |
Sa populacion en 2005 èra de 1252 abitants, amassats dins un territòri de 12,84 km². Llívia aperten a la jurisdiccion de Puigcerdà. Las lengas parladas dins la localitat son lo catalan, lo castelhan e lo francés.
Toponimia
[modificar | modificar lo còdi]La prononciacion es ['ʎiβiə] (o ['ʎiβio]), o ['ʎiβjə] (considerat coma pus sonhada). Las fòrmas ancianas son castrum Libyae, cap a 672, in civitate Livia en 815, pagus Libienensis en 835, Livia en 836, Leuia, Livia en 839, Livia en 966, 1208, Llivia en 1305, etc. Ptolemeu escriu Iulia Lybica, mès cal préner ambe prudéncia aquela identificacion geografica. Los romans adornavan lors dependéncias de noms manlevats a las familhas patricianas, aicí la gens Livia per la capitala ceretana, Julia Livia Cere. Lo nom aviá un ĭ brèu a la tonica (Lĭvĭa), çò que justifica la fòrma Leuia de 839, mès per metafonia (l'influéncia de ĭ seguent), la tonica es en i [4].
Nòtas
[modificar | modificar lo còdi]- ↑ Afirmat dins: Relacion de Municipis e los sieus Còdis per Províncias lo 1r de genièr de 2019. Data de publicacion: 8 de febrièr de 2019. Ostal d'edicion: Institut Nacional d'Estatistica d'Espanha.
- 1 2 URL de la referéncia: http://www.idescat.cat/pub/?id=aec&n=925&t=2016.
- ↑ Afirmat dins: Municipal Register of Spain of 2025. Autor: Institut Nacional d'Estatistica d'Espanha. Data de publicacion: 13 de decembre de 2025.
- ↑ Joan Coromines, Onomasticon Cataloniæ, vol. V, p. 85-86 https://oncat.iec.cat/veuredoc.asp?id=23737
