Leon II (papa)

Un article de Wikipèdia, l'enciclopèdia liura.
Salta a la navegació Salta a la cerca
Retrach dau papa Leon II dins la Basilica de Sant Pau Fòra lei Muralhas.

Leon II (mòrt lo 3 de julhet de 683) foguèt lo 80en papa de la Glèisa Catolica Romana. La data precisa de son eleccion es desconeguda mai l'eveniment se debanèt probablament dins lo corrent de genier de 681. Pasmens, en causa d'une conflicte ambé Constantinòble, foguèt pas reconeguda avans lo 17 d'aost de 682. Demorèt papa fins a sa mòrt lo 3 de julhet de 683. Succediguèt a Agaton (678-681) e foguèt remplaçat per Beneset II (684-685).

Deguèt negociar ambé Constantinòble la reconeissença dei conclusions dau Tresen concili de Constantinòble (680-681) car lo papa Agaton èra mòrt avans de lei signar. Aquò entraïnèt un conflicte a prepaus de la condamnacion dau papa Onòri Ièr (625-638)[1]. En cambi de l'acceptacion d'aquela condamnacion, Leon II obtenguèt divèrseis avantatges coma la reconeissença de son eleccion, la preséncia permanenta d'un representent dau papa en Constantinòble, lo jutjament per la papautat dei monotelistas estremats dins la capitala imperiala, la reconeissença de la supremàcia dau papa sus l'exarca de Ravena e la demenicion deis impòsts pagats per Sicília e Calàbria.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]

  1. Lo papa Onòri Ièr èra un adversari dau monotelisme. Pasmens, aviá sostengut divèrsei temptativas de conciliacion entre lei diferentei tendàncias de la Glèisa. Òr, dins l'encastre d'aquela politica, aviá escrich una frasa mau formulada que foguèt interpretada coma un sostèn ai tèsis monotelistas.