Le Chant du loup (film, 2019)
|
Le Chant du loup (film, 2019) | |
|---|---|
| Genre | Thriller Accion Anticipacion Guèrra |
Le Chant du loup (Lo Cant del lop) es un film francés escrich e realizat per Antonin Baudry, sortit en 2019.
Es lo primièr long metratge del realizator.
Lo film seguís Chanteraide (François Civil), una de las "aurelhas d'aur" de la Marina nacionala, especialista de la guèrra acostica. Ocupa un ròtle essencial a bòrd del sosmarin Titane mas del temps d'una mission, fa una error d'analisi que met en perilh tot l'equipatge. A lor retorn de mission, ensaja d'en aprene mai sus la traça sonòra e descobrís una informacion cruciala que deven la clau per evitar un conflicte nuclear mondial.
Sinòpsi
[modificar | modificar lo còdi]Lo film comença amb una citation atribuïda a-n Aristotèl : «I a tres menas d'òmes : los vius, los mòrts, e los que son en mar.[1].» »
Lo Titane, sosmarin nuclear d'ataca fictiu de classa Rubis (Robin) de las Fòrças Sosmarinas Francesas, comandat pel capitani de fregata Grandchamp (Reda Kateb) e assistit pel capitani de corveta D'Orsi (Omar Sy), es en mission al larg de la còsta siriana per recobrar un comando marin quand una fregata iraniana se bota a los percaçar. L'aurelha d'aur del sosmarin, Chanteraide (qu'es subrenomat "cauceta" dempuèi qu'a desmembrat las sias cauçaduras pendent un precedent embarcament) senhala un son dobtós mas o capita pas a identificar. Li sembla èsser un sosmarin rus de quatre palas, çò que correspond pas a cap de submergible en servici. Premsat per los seus superiors, o classifica coma provenent d'un cachalòt malaut. Malaürosament, qualques minutas mai tard, lo Titane es localizat per aqueste sosmarin e atacat per un elicoptèr iranian. Grandchamp ordena d'emergir, perven a o destruire de defòra de l'aparelh amb un lança-roqueta (Panzerfaust 3) e a recuperar lo comando. Tornats a la basa, Grandchamp rassegura Chanteraide sus son error e li torna dire que li fa fisança.
- ↑ Aquesta citation es tanben atribuïda a Platon o Anacharsis ( {{{títol}}}. ISBN 978-1-78570-716-2.).
Seleccion d'actors
[modificar | modificar lo còdi]- François Civil : Primièr mèstre Chanteraide, operator de sonar et aurelha d'aur, subrenommat « Cauceta »
- Omar Sy : Capitani de corveta puèi Capitani de fregata D'Orsi, comandant en segond, puèi comandant del sosmarin Titane
- Mathieu Kassovitz : Vice-amiral d'escadra que comanda la fòrça oceanica strategica francesa
- Reda Kateb : Capitani de fregata , puèi Capitani de vaissèl Grandchamp, comandant del sosmarin Titane, puèi de L'Effroyable
- Paula Beer : Prairie, l'amigueta de Chanteraide, subrenommat « Diane »
- Étienne Guillou-Kervern : mèstre de central
- Damien Bonnard : oficièr de navigacion de L'Effroyable
- Jean-Yves Berteloot : Capitani de fregata del Centre d'Interpretacion e de Reconeissença Acostica (CIRA) de Tolon
- Alexis Michalik : B. Ramis du Réault, comandant en segond de L'Effroyable
- Bastien Ughetto : operator de torpilhas
- Marc Ruchmann : cap de CO (centre d'operacions) de L'Effroyable
- Philippe Maymat : cap del estat-major particular del president de la Republica francesa (voix off)
- Guillaume Duhesme : Elaboracion SNA
- Fòtos dels actors principals del film
