Las nòvas del papagai

Un article de Wikipèdia, l'enciclopèdia liura.
Salta a la navegació Salta a la cerca

Las nòvas del papagai qu'ei un roman occitan deu sègle XII o sègle XIII signat en conclusion per Arnaut de Carcassés (qui n'ei la soa sola òbra coneguda). Que caup dens lo topo deu Castia gilos (amassa justament dab Castia gilos e Flamenca), qu'ei a díser que conta l'infidelitat legitima (segon l'ideologia deu tèxte e de la fin'Amor) d'ua molhèr esposa d'un gelós.

Que demoran dus manescrits de Las nòvas del papagai, coneguts com R[1] e J.

Resumit de R[modificar | modificar la font]

Un papagai eloquent que vien vesitar ua dauna maridada (e embarrada dins son jardin e susvelhada per gardians per'mor deu son espós gelós) au nom deu son mèste entà la demandar de l'autrejar lo son amor que deseja mei que tot au monde. Ambs que pleitejan (era qu'ei contra a la debuta, declarant aimar lo son espòs) e fin finau qu'accepta. Lo papagai qu'abamba lo castèth entà ocupar los gardians e atau dar lo parat aus aimadors de s'aimar intessament au mens un còp dens lo jardin.

Bibliografia[modificar | modificar la font]

  • Huchet, Jean-Charles. Nouvelles occitanes du Moyen Age. París : Flammarion, 1992. Segon lo manescrit R.
  • Langlois, Gauthier. «Note sur les origines du troubadour Arnaut de Carcassés», Revue des langues romanes, année 2008, tome CXII-1, p.89-99.Legir en linha

Nòta[modificar | modificar la font]

  1. Aqueste manescrit de la Bibliotèca Nacionau de França, conegut com lo cansonèr d'Urfé o de la Valière, qu'ostendeish lo numèro fr 22543 e que contien un sarròt d'autas òbras literàrias occitanas.