Las Baumas Caudas
L'avenc de las Baumas Caudas se tròba dins las Gòrjas de Tarn, en Roergue, dins la comuna de Sent Jòrdi de Lebejac e lo departament de Losera. Al sègle XIX, lo doctor Bartomieu Prunièras i descobriguèt un grand nombre d'esqueletas del Calcolitic.
Situacion[modificar | Modificar lo còdi]
Se situa suls contrafòrts del Causse de Sauvatèrra, prèp del luòcdit lo «Punt Sublim», susplombant las Gòrjas de Tarn. Lo site es de bon accedir.
Descripcion[modificar | Modificar lo còdi]
Quand lo doctor Prunièras explorava l'avenc, descobriguèt aperaquí 300 esqueletas, que una granda partida aviá patit una trepanacion, mantun còp amb resultat urós[1]. Las esqueletas se caracterizan per de crans de formas «dolicocefalas», o alongadas. Aquò condusiguèt mantun especialista a conjecturar una «raça de las Baumas Caudas», prèpa dels òmes de Cròsmanhon[2]. Lo tèrme de «tipe de las Baumas Caudas» foguèt de seguida estimat mai que aquel de «raça»[3].
Nòtas e referéncias[modificar | Modificar lo còdi]
- ↑ La cicatrizacion del cran mòstra que la persona sobrevisquèt a la trepanacion.
- ↑ Fèlix Bufièra: Aqueste Gavaudan tan aspre (Ce tant rude Gévaudan), tòm I, capítol 2.
- ↑ Ibid.
