Larry (gat)

Un article de Wikipèdia, l'enciclopèdia liura.
Salta a la navegació Salta a la cerca
Pagina d'ajuda sus l'omonimia Pels articles omonims, vejatz Larry.

Larry
Retrach oficial de Larry.
Retrach oficial de Larry.
Foncions
Ratièr en cap del Gabinet
En foncion dempuèi lo 15 de febrièr de 2011
Monarca Elisabèt II
Carles III
Primièr ministre David Cameron
Theresa May
Boris Johnson
Liz Truss
Predecessor Sybil
Biografia
Data de naissença Genièr de 2007
Luòc de naissença Londres (Bandièra: Reialme UnitReialme Unit)
Nacionalitat Britanic
Residéncia 10 de Downing Street (Ciutat de Westminster, Londres)

Larry (gat)
Ratièr en cap del Gabinet

Larry, nascut en genièr de 2007[N 1] a Londres, es un gat tabby. Ofícia coma Ratièr en cap del Gabinet al 10 de Downing Street dempuèi lo 15 de febrièr de 2011.

Carrièra[modificar | modificar la font]

Missions oficialas[modificar | modificar la font]

Las missions oficialas de Larry son, segon lo site del govèrn[1] :

  • aculhir los convidats ;
  • inspectar las defensas de seguretat ;
  • testar los mòbles ancians per la qualitat del sòm.

Lo site precisa tanben que sas responsabilitats quotidians es d'envisatjar una solucion a l'ocupacion de l'ostal per las mirgas e Larry auriá declarat qu'aquesta es encara « a l'estadi de la planificacion tactica ».

Contràriament a sos davancièrs dempuèi 1929, l'entreten de Larry es finançat pel personal del 10 de Downing Street[2].

Arribada a Downing Street[modificar | modificar la font]

Larry a la pòrta del 10 de Downing Street, sa residéncia oficiala e son luòc de trabalh.

Larry es un gat salvat de l'Ostal dels Cans e Gats de Battersea que foguèt causit pel personal de Downing Street[3]. Èra destinat a èsser un animal de companhiá pels dròlles de David e Samantha Cameron, e foguèt descrich per de fonts de Downing Street coma un « bon ratièr » e coma avent « un fòrt instint de caça »[4]. En 2012, Battersea revelèt que la popularitat de Larry aviá entrainat una augmentacion de 15% de personas adoptant de gats.

Pauc de temps après que foguèt emmenat a Downing Street, una istòria foguèt publicada dins la premsa afirmant que Larry èra un gat perdut e que la proprietària d'origina aviá lançat una campanha pel recobrar[5]. Çaquelà, l'istòria s'es revelada mai tard èsser una farsejada, e pas cap de proprietari ni campanha existissián[6].

Trabalh coma ratièr en cap[modificar | modificar la font]

Tua sa primièra mirga lo 22 d'abril de 2011[7]. Lo 28 d'agost de 2012, tua una mirga pel primièr còp en public, laissant sa presa sul pelenc davant lo numèro 10[8]. En octobre 2013, Larry atrapèt quatre mirgas en doas setmanas e un membre del personal salvèt una mirga de sas arpas[9].

En julhet de 2015, lo cancelièr de l'Escaquièr e Primièr secretari d'Estat George Osborne, atal que lo ministre del Gabinet Matt Hancock, an blocat una mirga dins lo burèu del cancelièr, la prenent dins un sac d'entrepan en papièr brun. La premsa a badinat en disent que lo cancelièr de l'Escaquièr poiriá prene lo pòst de ratièr en cap[10].

David Cameron expliquèt al moment de sas darrièras Questions al Premier Ministre en 2016 que Larry es un foncionari e pas una proprietat personala, e que quitariá donc pas Downing Street après un cambiament de primièr ministre[11]. Lo Partit Trabalhista a confirmat que dins l'eventualitat d'un govèrn trabalhista, Larry demorariá ratièr en cap[12]. En genièr de 2020, Larry conservèt son pòst al sen del govèrn de Boris Johnson.

Relacions[modificar | modificar la font]

Amb los politicians[modificar | modificar la font]

David Cameron a declarat que Larry es un « pauc nerviós » amb los òmes, especulant que, puèi que Larry es un gat de salvament, aquesta poiriá èsser degut a d'experiéncias negativas dins son passat. Cameron mencionèt que Barack Obama es una excepcion aparenta a aquesta paur, e a declarat : « Curiosament, aimava Obama. Obama li a donat una careça e èra ben »[13].

En setembre de 2013, foguèt revelat que de tensions comencèron a aparéisser entre David Cameron e Larry. Foguèt raportat que Cameron s'opausava als pels de gat sus son costum e que l'odor de la noiridura per gat deviá èsser mascada per un assanidor d'aire quand Downing Street aviá de visitaires.

Amb los autres animals[modificar | modificar la font]

En junh de 2012, lo cancelièr de l'Escaquièr George Osborne retrobèt sa gata perduda dempuèi longtemps, Freya, que s'es s'installada al 11 de Downing Street. Freya e Larry aurián rapidament establit de relacions cordialas, ben que los dos gats foguèron vistas se batre[14]. Freya auriá estat la gata la mai dominanta e la ratièra la mai eficaça, aparentament perque sos jorns d'errància l'avián "endurcida"[15]. En novembre de 2014, Freya quitèt Downing Street, laissant a Larry la sola responsabilitat de ratièr.

Criticas[modificar | modificar la font]

Larry foguèt criticat per son temperament e sos resultats professionals. Mens d'un mes après son arribada a Downing Street, de font anonimes an descrich Larry coma avent « una manca flagrant d'instint de caçaire »[16].

Mai tard aquesta annada, foguèt revelat que Larry passava mai de temps a dormir qu'a caçar las mirgas e partejava la companhiá d'una gata, Maisie[17].

Recompensas e reconeissença[modificar | modificar la font]

Larry a recebut una placa blava a l'Ostal dels Cans e Gats de Battersea en octobre de 2012[18].

Dins la cultura populara[modificar | modificar la font]

Una galariá de fòtos per celebrar las doas primièras annadas de foncion de Larry foguèt producha per The Daily Telegraph[19].

En 2012, Larry èra visible sus Google Street View al numèro 10, endormit al costat de la pòrta[20].

Los espleches e observacions de Larry sus la vida a Downing Street son venguts lo subjècte d'una benda dessenhada setmanièra dins The Sunday Express dessenhada per Ted Harrison[21].

Nòtas e referéncias[modificar | modificar la font]

  • (en) Aqueste article es parcialament o en totalitat eissit d’una traduccion de l’article de Wikipèdia en anglés intitolat « Larry (cat) ».

Nòtas[modificar | modificar la font]

  1. Sa data de naissença precisa es pas coneguda.

Referéncias[modificar | modificar la font]

  1. (en) History of 10 Downing Street, Govèrn del Reialme Unit.
  2. (en) Rosa Prince, Larry the cat is installed as Downing Street Chief Mouser, The Daily Telegraph, 15 de febrièr de 2011.
  3. (en) Glen Oglaza, The Cat's Whiskers, Sky News, 15 de febrièr de 2011.
  4. (en) Larry the cat joins David Cameron in Downing Street, BBC News, 15 de febrièr de 2011.
  5. (en) Mayer Nissim, Number 10 cat story revealed as a hoax, Digital Spy, 24 de febrièr de 2011.
  6. (en) Paul Lewis, Churnalism or news? How PRs have taken over the media, The Guardian, 23 de febrièr de 2011.
  7. (en) Allegra Stratton, Larry the No 10 cat catches first mouse ... finally, The Guardian, 24 d'abril de 2011.
  8. (en) Larry the Downing Street cat finally kills first rodent, ITV, 28 d'agost de 2012.
  9. (en) Andy McSmith, Andy McSmith's Diary: Even Larry the cat is not safe from factions in Downing Street, The Independent, 18 d'octobre de 2013.
  10. (en) 2 senior UK ministers hunt down rat during budget meeting, DNA, 5 de julhet de 2015.
  11. (en) David Millward, David Cameron should save Larry the cat from his lonely life in Downing Street, The Daily Telegraph, 9 d'agost de 2016.
  12. (en) Kevin Maguire, Commons Confidential: endangered cats, rebellious Scots and the battle for the Edstone, New Statesman, 21 de mai de 2015.
  13. (en) Number 10 cat Larry catches three mice, BBC News, 20 de junh de 2011.
  14. (en) Rosa Prince, Police called to break up violent cat fight in Downing Street, The Daily Telegraph, 16 d'octobre de 2012.
  15. (en) Justin Parkinson, Downing Street denies Cameron and Osborne cat feud, BBC News, 16 d'octobre de 2012.
  16. (en) Rosa Prince, Downing Street defends Larry the cat from anonymous briefing, The Daily Telegraph, 28 de febrièr de 2011.
  17. (en) Downing Street cat Larry caught napping, BBC News, 15 de novembre de 2011.
  18. (en) The home where the only pay is happiness, The Daily Telegraph, 14 d'octobre de 2012.
  19. In pictures: David Cameron's cat - Larry, Chief Mouser of Downing Street, The Daily Telegraph, 3 de novembre de 2012.
  20. (en) Zack Whittaker, Google Street View pays visit to U.K. prime minister, CNET, 30 de julhet de 2012.
  21. (en) Lauren Scott, A softer side of government: How Larry the cat became a purr-fect political companion on Downing Street., CBC, 22 de genièr de 2017.

Vejatz tanben[modificar | modificar la font]

Paginas correspondentas d’autres projèctes Wikimèdia :

commons:Category:Larry (cat)
Larry (gat) sus Commons.

Articles ligats[modificar | modificar la font]

Ligams extèrnes[modificar | modificar la font]