La Ròca Blanca

Un article de Wikipèdia, l'enciclopèdia liura.
Salta a la navegació Salta a la cerca
Vista aeriana de la Ròca Blanca

La Ròca Blanca o La Ròca deu Pilat[1] o mens localament La Duna deu Pilat, es la tuca de sable mei hauta d'Euròpa. Se quilha dens lo massís horastèr de las Lanas de Gasconha, en riba de la Mar Grana a l'entrada sud deu Bacin d'Arcaishon dens lo Captalat de Bug. Dab un volum de 60 000 000 m3 de fin sable eolian, s'esten sus 87 ha de superfícia, tot lo long de 2,7 km de còsta lineara, en tot esparse's sus 500 m de bòsc de las Lanas. Apartien au territòri de la comuna de la Tèsta de Bug dens lo departament de Gironda.

L'envèrs de la duna vist deu son bèc (pendent: entre 30° e 40°)
Posicion de la duna dens l'entrada deu Bacin d'Arcaishon

La sua altitud varia permanentament en tot fluctuar entre 100 e 117 m suu nivèu de la mar. Lo flanc de mar a un pendent mei feble que lo de horèst. La duna avança inexorablament cap a l'interior deu país e arrecobreish pòc a pòc las construccions (ostaus, camins).

Istòria[modificar | modificar la font]

Lo nom « Pilat », ja present dens las mapas de Masse (1708) e de Cassini (1786) dab lo « Petit Bacin deu Pilat », los « Gavitèus deu Pilat », las « Cabanas deu Pilat » e la « Grana Passa deu Pilat o Passa deu Sud », correspondèva a un lòc situat mei au sud de la duna qui coneishem devath aqueste nom. Es un parçan de dunas mobilas, de litorau e de relhèu cambiadís dab lo temps. Dinc au començament deu sègle XXau, lo sector deu Pilat s'aperava los « Sablonèirs »[2] e non i menava pas nada rota carroçabla. Lo cambiament de denominacion estut devut a una operacion immobiliària.

Referéncias[modificar | modificar la font]

  1. Diccionari Per Noste (en linha a Lo Congrès): [1]
  2. L'endret on i a sable ; véder "Porte du Médoc", au nom « La Renney ».