La Insurjencia
La Insurjencia qu'ei un collectiu de rap espanhòu originari de Galícia, d'inspiracion comunista revolutionària mei que mei present sus youtube.
En 2016, 13 deus sons membres (un menor, los autes enter 18 e 27 ans) que son estats clamats daban l'Audiéncia nacionau[1] (ua juridiccion espanhòu qui succedí au Tribunau d' Ordi Public, instaurat peu franquisme) ; que'us èra repochat avé la luta de classas coma "religion" e de har l'apologia deu GRAPO, ua organizacion comunista espanhòu armada remontant a 1975 (anteriora donc a l'establiement deu sufragi universau, deu multipartisme e de la promulgacion de la Constitucion) qui ua cançon de La Insurgencia declare explicitament que b'èra pas (segon eths) nat grope terrorista mès ua mena de "resisténcia antifachista".
La pene infligida a dotze deus sons membres (purmèra condamnacion per cadun d'eths) qu'ei de dus ans e 1 dia (lo dia suplementari que permet d'anar enlà deu lindau dus ans e qu'empacha tot sursís dens l'aplicacion de la pena) e 4 800 euros d’amenda[2].
La loa condamnacion que succedeish e que hè reclam a la deu rapaire catalan Valtònyc, condemnat a tres ans e sheis mes de preson afectius per escòrni a la coroa etapologia deu GRAPO tanben. Qu'ei contestada au dehens de l'institucion judiciària espanhòla[3][4], en particular de la part deu collectiu espanhòu Jueces por la democracia.
- ↑ http://www.elmundo.es/cultura/musica/2017/11/02/59fadb8ce2704ed6698b45a9.html
- ↑ https://www.elsaltodiario.com/enaltecimiento/la-audiencia-nacional-condena-a-dos-anos-y-un-dia-de-carcel-a-los-raperos-de-la-insurgencia
- ↑ https://www.youtube.com/watch?v=Oo16jJ81Qi4
- ↑ http://www.eldiario.es/politica/tribunal-discrepa-Insurgencia-llamando-atencion_0_715329449.html