La França Insosmesa (LFI)

La França Insosmesa
Nom oficial	La France Insoumise
Acronim	LFI
Estat	França
Secretari general	Manuel Bompart
Creacion	10 de Febrièr de 2016 (fa 10 ans)
Fondador	Jean-Luc Mélenchon
Afilicacion	Novèl Front Popular (dempuèi 2024); NUPES (2022–2024)
Premsa oficiala	L'insoumission Hebdo; Le Journal de L'insoumission; L'insoumission
Organizacion de joventut	Les Jeunes insoumis·es
Ideologia	Socialdemocracia; Progressisme; Ecologisme; Egalitat sociala
Posicionament	Esquèrra
Partit politic europèu	L'Esquèrra - GUE/NGL
Caucus	La França Insobmesa - Novèl Frònt Popular
Color	;
Assemblada Nacionala	71 / 577
Senat	0 / 348
Deputats al Parlament Europèu	9 / 81
Pagina web	lafranceinsoumise.fr

La França Insosmesa (en francés: La France Insoumise), abreujat LFI e representada sul logotipe oficial per la letra phi φ, es un partit politic francés d'esquèrra fondat lo 10 de febrièr de 2016.

Lo partit presentèt a l'eleccion presidenciala de 2022 la candidatura de Jean-Luc Mélenchon que, a l'eissida del primièr torn, arribèt en tresena posicion amb 21.95% dels sufragis exprimits. A l'eissida del segond torn de las eleccions legislativas de 2024, La França Insomesa formèt un grop parlamentari de 74 deputats a l'Assemblada Nacionala, qu'elegiguèt a son cap Jean-Luc Mélenchon coma president de grop. A las eleccions europèas de 2024, lo partit faguèt elegir 9 deputats.

Istòria

Creacion

Lo partit es estat fondat lo 10 de febrièr de 2016 per Mélenchon e d'autres membres del Partit d'Esquèrra. Jean-Luc Mélenchon anoncièt al jornal televisat sa candidatura a l'eleccion presidenciala de 2017, e declarèt :

« Vòle representar e incarnar la França insosmesa e gloriosa de l'èsser, la qu'a pas de muselièra ni d'estaca. »

Ajusta que la seu tòca es « l'interès general uman » e que « lo cambiament climatic es començat, es ara que cal cambiar los mejans de produire, d'escambiar, de consumir. ». Puèi, obrís una plataforma internet, un esplech numeric amb lo qual espèra menar una « revolucion ciutadana », fòra dau encastre daus partits. Escriu sus lo seu blòg : « Lance un movement ciutadan per nos permetre d'agir collectivament, sens afiliacion obligada a un partit politic ».

Lo 23 de genièr de 2017, es creat l'Associacion de finançament de la formacion politica França insosmesa, destinada al finançament de las activitats politicas de l'associacion La França insosmesa. Antau lo movement ven un partit politic, se podent presentar a d'eleccions. L'associacion La França insosmesa ten tres membres, que compausan son burèu. Aqueu darrièr valid totas las decisions administrativas, juridicas e financièras de l'associacion. En 2017, lo president d'aquesta èra Jean-Luc Mélenchon, son secretari èra Benoît Schneckenburger e Marie-Pierre Oprandi n'es la tresaurièra. Lo sèti de l'associacion es a Massy (Essòna) al domicili de la tresaurièra. Dempuèi octobre de 2022, l'associacion a per president Manuel Bompard, per secretari Mathilde Panot e per tresaurièr Maxime Charpentier.

Organizacion

Estatut legau

Lo partit pausa legalament sus doas associacions : La França insosmesa & l'Associacion de finançament de la formacion politica « la França insosmesa », qu'es lo seu mandatari financièr. Son totas las doas declaradas a la sosprefectura de Palaiseau lo 23 de decembre de 2016. La segonda es abilitada a recebre de dons per la Comission nacionala daus comptes de campanha e daus finançaments politics dempuèi lo 23 de genièr de 2017.

Movement politic

Se considèran coma un movement politic, puslèu qu'un partit politic. La França insosmesa indica qu'« es pas un partit politic. Es un movement de ciutadans individuals que se reconeisson dins la demarcha de Jean-Luc Mélenchon sens çaquelà rejónher un partit politic o una associacion ». Pendent la convencion del partit fin novembre de 2017, La França Insosmesa afirma sa volontat « de venir pas un partit » e de demorar un « movement », los Insosmeses aspirant a un « militantisme personalizat ».

Per tal de se presentar a las eleccions, la França insosmesa es venguda tanben, juridicament, un partit politic dempuèi lo 23 de genièr de 2017. L'inscripcion se fa sens obligacion de cotizar, gratuitament per una plataforma Internet.

Programma

L'Avenidor en Comun

Aprèp la convencion de Lilla, lo nòu programa, nommat L'Avenidor en Comun (Francès : L'Avenir en Commun), es publicat lo 1èr de decembre de 2016. Es organizat segon sèt aisses : « Seisena Republica », « despartiment de las riquesas », « planificacion ecologica », « sortida dels tractats de l'Union Europèa », « patz e independéncia », « progrès uman » e « frontièras de l'umanitat ». Lo libre se classa lèu dins lo tòp 10 de las vendas melhoras, tirat a 110 000 exemplars lo 9 de decembre.

Posicionament ideologic

Es un partit d'esquèrra reformista, qu'a per tòca la sortida del neo-liberalisme, e de la Republica Francesa actuala, per s'organizar a l'entorn d'una novèla republica, mai democratica.

Lo sociològ Manuel Cervera-Marzal, que restaca LFI au populisme d'esquèrra, indica qu'aqueu partit prepausa pas de rompre embe lo capitalisme, ni emb un regim politic comportant de representants professionalizats.^[1] Lo sociològ afirma que l'analisi dau programa dau partit e de las accions publicas de los seus aliats europèus mòstra que LFI « apartenís a una familha politica qu'ausís desviar lo capitalisme e non o dinamitar ». Pels insosmeses, lo problèma es pas lo capitalisme mas sa financiarisation. Lo sociològ cita Jean-Luc Mélenchon:

« Lo programa L'Avenidor en Comun prevei pas la nacionalizacion de totas las entrepresas. »

Segon l'istorian Aurélien Dubuisson, la classificacion de mai en mai frequenta dins lo mond politic de LFI a l'extrèma esquèrra es una « error qu'es sustot provocada per la drechizacion de l'espèctre politic ».^[2] Explica que reprene per exemple lo programa de 1981 de Mitterrand seriá uèi passar pel « pièger dels extremistas », e que lo Partit Socialista avent aderit al neoliberalisme se diferénci « pas vertadièrament de la drecha ». A contrario, LFI lausant una rompedura amb aqueu òrdre economic neoliberal pòt alara « afolir los comentaires ».

Resultats electorals

Eleccions presidencialas

An	Candidat.a	Primièr torn			Segond torn			Estatut
An	Candidat.a	Vòtes	%	Reng	Vòtes	%	Reng	Estatut
2017	Jean-Luc Mélenchon	7 712 520	19,58	4^e	Non-qualificat			Eliminat
2022	Jean-Luc Mélenchon	7 712 520	21,95	3^e	Non-qualificat			Eliminat

Eleccions legislativas

An	Primièr torn			Segond torn			Sètis	Estatut
An	Vòtes	%	Reng	Vòtes	%	Reng	Sètis	Estatut
2017	2 497 622	11,03	4^e	883 573	4,86	4^eⁿ	17 / 577 (3%)	Oposicion
2022^[3]	3 235 129	14,22	3^e	3 482 485	16,79	3^eⁿ	75 / 577 (13%)	Oposicion
2024^[4]	3 364 445	10,49	3^e	2 332 736	8,55	3^eⁿ	71 / 577 (12%)	Oposicion

Eleccions europèas

An	Vòtes	%	Sètis	Reng	Cap de Lista	Grop
2019	1 428 548	6,31	6 / 79 (8%)	5^eⁿ	Manon Aubry	GUE/NGL
2024	2 448 715	9,89	9 / 81 (11%)	4^eⁿ	Manon Aubry	GUE/NGL

Eleccions regionalas

An	Primièr Torn			Segond Torn			Conselhièr.as	President.as
An	Vòtes	%	Reng	Vòtes	%	Reng	Conselhièr.as	President.as
2021	123 825	0,84	15^eⁿ	____________			0 / 1 926	0 / 26 (0%)

Eleccions departamentalas

An	Primièr Torn			Segond Torn			Conselhièr.as	President.as
An	Vòtes	%	Reng	Vòtes	%	Reng	Conselhièr.as	President.as
2021	108 325	0,79	16^eⁿ	5 769	0,04	23^eⁿ	6 / 4 046	0 / 100

Eleccions municipalas

An	Primièr Torn	Segond Torn	Comunas + 100 000 ab.	Conseilhièr.as municipal.as
2020	0,43 %	0,09 %	0 / 42	46 / 222 818
2026	3,98 %	2,94 %	1 / 42	593 / 222 818

Vejatz tanben

Nòtas e referéncias

(fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « La France insoumise ».

↑ 1. La France insoumise au-delà de son leader, de Manuel Cervera-Marzal‎ (2021).
↑ Législatives 2024 : Pourquoi c’est faux de dire que LFI est un parti d’extrême gauche ?
↑ Amb la NUPES.
↑ Amb lo NFP.

Ligams extèrnes

Site oficial

Portal de la politica

[1] 1. La France insoumise au-delà de son leader, de Manuel Cervera-Marzal‎ (2021).

[2] Législatives 2024 : Pourquoi c’est faux de dire que LFI est un parti d’extrême gauche ?

[3] Amb la NUPES.

[4] Amb lo NFP.

[1]

[2]

[3]

[4]

v · m Partits politics franceses
extrèma esquèrra	Lucha Obrièra (LO) • Novèl Partit Anticapitalista (NPA-R) • Revolucion Permanenta (RP)
Esquèrra	França Insomesa (FI) • Partit Comunista Francés (PCF) • Novèl Partit Anticapitalista (NPA-A)
centre-esquèrra	Partit Socialista (PS) • Leis ecologistas
centre-drecha	Renaissença (RE) • Movement Democrata (MoDem)
Drecha	Los Republicans (LR) • Orizonts (HOR) • Union dels Democratas e Independent (UDI)
extrèma drecha	Rassemblament Nacional (RN) • Reconquista (REC)