La Braunha

La Braunha (La forêt de la Braunhie en francés) es un airal bartassièr de 2600 ha pel Causse de Gramat. Es una de las atraccions màgers del Pargue Natural Regional dels Causses de Carcin. Se situa mai que mai sus las comunas de Canhac e de Fontana.

De venir veire

• las pelenas
• las igas
• los lacs de Sant Naufasi
• las pèiras levadas
• las orquidèas
• las fedas del causse, dels uèlhs macats
• las parets amb los sautadors, los comptadors e autres sistèmas
• las casèlas, sètis e autras cabanas de pastre
• los lauzèrts (loc. lusèrp), demest los pus bèls d'Euròpa

Braunha e poesia

Dins lo recuèlh de poesia Al Clar del Temps l'abat Silvan Tolze evòca los païsatges de la Braunha e lo « bon Sant Naufari », especialament dins lo poèma "La Centena de mon país":

[...]
Mas amor qu'aicí las magrièras fan
D'un estiu sens aiga un ivèrn sens pan,
Cava de laquets, o bon Sant Naufari,

Que los pastorèls sempre i menaràn
Beure lors borrets, anhels e vacivas,
Abans d'i levar de tendas de grivas
Quand lo cantalés agrempís lo ram.
[...]

(Font: Al Clar del Temps, Silvan Tolze, Estampariá Gerbèrt, Orlhac, 1968)