Julhac (Gers)

Pels articles omonims, vejatz Julhac.

Vilatge d'Occitània

Julhac
Juillac

Armas

Geografia fisica

Coordenadas

43° 32′ 38″ N, 0° 07′ 41″ E

Superfícia

7,49 km²

Altituds
· Maximala
· Mejana
· Minimala

226 m
150 m
136 m

Geografia politica

França

Occitània, ancianament de Mieidia-Pirenèus

Miranda

Pardiac-Ribèra Baisha, ancianament de Marciac

Intercom
243200508

Comunautat de comunas Bastidas e Vaths de Gers

Cònsol

Hélène de Resseguier
(2014-2020)

Geografia umana

Populacion
Populacion totala
(2017)

121 ab.

123 ab.

Densitat

16,56 ab./km²

Autras informacions

Còde postal

32230

Còde INSEE

32164

Julhac^[1]^[2]^[3]^,^[4]^,^[5] (Juillac en francés) qu'ei ua comuna occitana de Gasconha, situada administrativament dens lo departament de Gers e la region d'Occitània, ancianament de Mieidia-Pirenèus.

Geografia[modificar | modificar la font]

Aquesta seccion es voida, pas pro detalhada o incompleta. Vòstra ajuda es benvenguda !

Que sembla que i aja pas, o pas mei, de lòc nomentat Julhac. La maison comuna es a Gaillet (en francés, donc probablament Galhet), en un lòc meilèu planèr. Ua glèisa modèrna qu'ei un chic mei au sud, près de Coaille (en francés) : mès ei pas lo lòc on èra Julhac, adara coneishut devath lo nom de La Sèrra e qui guarda sonque lo cementèri, au bòrn d'un camin mei a l'oèst en bona partida desafectat, parallèle a la RD 255 e installat sus, justament, ua sèrra qui domina Arròs. Énter Coaille e La Sèrra, un toponime qu'ei interessant, Las Muralhas. Au sud de la comuna, que i a un lòc desabitat, Andenac, anciana parròpia; lo camin que n'avèm parlat qu'i mia, haut o baish; sus la tuca d'Andenac, que i a adara ua pilòna de telefòne mobile ^[6]. La populacion que's concentra mei que mei a l'entorn de la RD 255, qui ven de Marciac, e sus un aute camin parallèle a l'èst, mès n'èra benlèu pas atau au sègle XVIII e en tot cas los ancians centres, Julhac e Andenac, qu'èran sus la sèrra. Au cap d'aqueth camin e de la sèrra, en direccion deu nòrd-nòrd-èst, que i a un castèth.

Perimètre deu territòri[modificar | modificar la font]

Comunas confrontantas de **Julhac**
La Devesa Ribèra	Bèumarchés
		Tordun
Armentiu	Marciac

Toponimia[modificar | modificar la font]

Lo nom de Julhac que ven deu nom latin d'òme Julius e deu sufixe -acu(m)^[7], qui ei lo sufixe gallés *acon latinizat. Julhac qu'èra donc probablament ua anciana grana proprietat antica qu'avè per mèste Julius.

Andenac o Audenac. Se lo nom ei Andenac, lo grope -nd- qu'ei pas d'origina (que's seré redusit a -n-). Lo sufixe -ācon qui sièc normalament un nom d'òme qu'es la marca d'ua anciana grana proprietat galloromana.

Istòria[modificar | modificar la font]

Julhac qu'èra parròpia annèxa a la fin de l'Ancian Regime. Lo vilatge de Julhac o en tot cas sa glèisa, qu'èra, çò sembla, non pas aquí on ei adara, mès sus ua sèrra (véser la partida geografia). Meis au sud de l'actuau territòri comunau que i avè ua parròpia de plen exercici nomentada Andenac, en un lòc qui ei adara completament despoblat e sense glèisa ^[8] e qui, probable, èra plan petit (la mapa d'Estat-Major que i mòstra pas d'aglomeracion ^[9]), benlèu sonque la glèisa. Andenac o Audenac qu'estó comuna, mès que l'annexèn a Julhac en 1822.